April 7, 2009 ni-in Kawl gam bup, Nasem kipawlna zumpi asem FTUB sungpanin mi 5 galkap kum in hong matsak banah,
a innkuanpih te zong manbeh lai ahih manin, Leitung bup Nasem kipawlna zumpi ahi ILO (TTUC) tawh kipawl khawmin
mi 5 asuah taak theih nading hanciam lai tak uh hi.
Aung San Su Kyi tawh innkuan Sia vuan pa Dr Tin Myo Win zong nungkal nipi zawh nili ni April 2, ni kimu thei a,
bang mah ama kiangpan thulamdang kiza lo ahih manin, makaipi nu zong taksa cidamna lam hoih buang hidinghi cih
ki um hi. Ahizongin, a sitnipa U Kyi Win tawh kimuh hun tudong pianailo hi. Ama inn tawh khum cipna angah zawh
mai kha May kha ciang kum 6 cing ding hita hi. Tua ma in, asuah tak theihnadinga, Naypyidaw ah lai akiten pen
galkap kumpi'n tudongin bang mah zasakna nei nailo hi.
April 6, 2009 ni-in, Thailand leh Kawl gamgi ah galkap kumpi te leh KNU te kikapna khat om hi cih thu kiza hi.
2010 Kawl gam kiteel nading vai tawh kisai in, galkap ulian pawl khat leh vuanzi te in, amau teen'na khua ah
ciah in, khuapih tuipih te tawh thukuppihna nei uh hi.
Tukha ni 10 nicianga, Thailand gam Pattaya khua a, Asean gam 10 tawh akizom ahi, China, India, South Korea,
Japan, Australia leh New Zealand gam teng tawh mailam ah sum bawlna bang cih leng hisangin khangto theizaw ding
cih thubul pi in thukikupna nei ding uh a, tua lai ah, UN Secretary Mr Bankimon zong kihel ding hi. IMF
(leitung bup sum zon'na lam sai) kipawlna pan mi 1, WB (leitung bank) pan mi 1, leh WTO (leitung bup gam khat
leh khat van zuak van lei kizopna) pan zong mi 1 mah kihel thei ding ahih manin, kawl gam ading thu hoih khat
peuh peuh hong vaihawm kha dingin ki um hi,
kawl gam pan vuanzi choh ahi Thein Sein va kihel ding hi.
