Daw Suu Kyi atapa no zaw Ko Htein Lin @ Kim Aris tawh kimu ta ing hi!

Tuni tatak ciangin, atapa no zaw Ko Htein Lin @ Kim Aris in, kawl ngam Visa ngah tatak hi cih thu kiza hi. Vanleng letmat ngahnai lo ahih manin, tu ing hanciam lai hi. Anu ahi Daw Aung San Suu Kyi in, vanleng kuan ah dawn ingin, upmawhna kinei hi. Hi atapa nozaw tawh akimuh nailoh hangin, November 13 ni in, anu suahtak mahun pawlin, Bangkok UK tanzum pan telefon tawh kiho  hi cih zong kiza hi.  Daw Suu pasal pen 1999 kum ong sihsan a, tu asih ma in, zong kawlngam ongpai nuamin, ngalkap kumpi te'n visa pia lo hi.

Daw Aung San Suu Kyi in tapa 2 nei-in, a upa min Alexander Aris leh Kim Aris te tawh akimuh loh uh kum 10 valbang sungah tua kawlngam visa angah avei 1 na hipan hi.

Tu a ongpai pa pen Kum 33 bang fata hi. Hi anuai-a pen amaan hipaih hi.

A vei 2 na Pinlong thukikupna tawh kisai Daw Aung San Suu Kyi makai ding!

Democracy ih cih pen mimal kim sempoh in, kal kikim, thuneihna kikim ih neihna ahihna tawh kizui in, Federal Union (suakta taka ki-ukna) ngah seihnang in, a vei 2 na Pinlong thukikupna tawh kisai Daw Aung San Suu Kyi in ong makai ingin, tavuan kipiakna tawh kizui-in, aman'h zong lungkimtakin sang hi. Hi pen Thai ngama, thuthak suahsakna munpi pan Ko Moe Zaw in pulak kheh hi.
Zomi National Congress makai pi Pu Cin Sian Thang in, a vei 2 na Pinlong thukikupna angah ih musuahseih nangin, NLD makai Daw Suu Kyi in, maban ongzop thu ongsanna thu ZNC makai pi pa'n zong ong pulaak hi.
Hi thu tawh kisai in thukimna letmat kila a, Karen, Chin, Mon leh Shan te' leh minam makai te', ngam vai seideuh upa pawl khat, Kawl ngam sung teng Democracy thu tang tawh kalsuan zawh nangin, hi atunga minam 4 tengin kiciantakin, letmat thuuna nei uh hi.