AIDS veite' tawh Daw Suu Kyi kimukhawmin, thapiakna nei!

November, 17, 2010
Yangon South Dagon Township sunga om HIV leh AIDS te' kepna innpi khatah vapai a, mipi aza asimin zui in, athapiakna te' lim ngaih mamah uh hi. Daw Suu Kyi in, asuahtaak zawha, mi lungngim, lungkham, lametbeite' leh cimawh beidongte' kiangah vahawhin, tha apiak masakpen na hi. Hibanga na ongsep ciangin, mipi tampi takmah in, anung uh ongzui paih hi, tubek hilo in, mipi te' veina leh lainatna takpi zong lungsim tawngah nei hicih kimu sei hi.

NLD in ngam vai tawh kisai mah semto suak inghi!

http://www.youtube.com/watch?v=M8r0SgZSg8I&feature=player_embedded#!
Third Force min kifuak, nambat  3 na tawh kisai in, Democracy thu ahizong, Ngam thu tawh ahizongin, kipawl khawma sepsuaktoh ing ahizong kua pawl kuapawl cih omtuanlo a, ih vekpi'n mapang khawma, sep khop ing thupi pen hi ci hi.
Tulai taka, Minam vai tawh kisai-in, kilemna leh thudam taka sep ingbek adeih, ngal leh sa banga, sauvui sautang tawh sepna adeihlo, 21st zalom, khangsak hun tawh kituakin, PinLong Conference (Pinlong thu kikupna) khat neih ing ki lungngulh kimtek hi cin' pulak hi.
Hi asoi na  mun pen Shwe Gondaing NLD zumpi ah hi-in Nov. 14, 2010 ni hi.

Daw Suu Kyi thu tawh kisai in, ngalkap kumpi'n ciangtanh uh!

Kawl ngam sunga mimal thu kaaikhawmte in, Daw Suu Kyi thu tawh kisai in, suakta taka, pulak ing, kumpi te'n ciangtanh sak hi. Amah ongsuahtak cianga kipan Media tama kici thu kaaikhawm te'n zong thuzaksakna om sempoh ah, suaksak nuam ahih manin, ngalkap kumpi'n ciangtanh sak se uh hi.
Hi anuai-a maan pen NLD zumpi ah athusoi laitak hi, Nov. 15, 2010 ni hi.

USDP(kyaint phuait party) tawh zong khut kilen nasem seihang, cin Daw Suu in pulak hi!

November 15, 2010 ni-in, USDP bek hilo in, leitung bupa om minam sempoh tawh zong khut kilena, nasep khop a ut pohmahin, veina man tatak, thuman thutak tawh sep alung ngulhtakpi te' kuamah kinial ngeilo inghi ci-in, tuni sun nai 1:00pm hunin pulaak kheh hi.
Tu khitciang, ngamdang kizopna thuneite, party tuatuam palaite' tawh zong tunitak lam mahin, "Chanmyih Yeihtha funggi sangah" kimuh khopna neilai ung hi.

Daw Suu Kyi in tuni Nipini Nov 14,2010 ni Bahan NLD zumpi ah kam soi hi!

Inn tawh khumcipna pan suahtakna angah NLD makaipi Daw Aung San Suu Kyi in, Nov 13, 2010 nitak nai 5:15pm akipan suahtakna kipia ta ahih manin, tuni Nov 14, 2010 Sunday ni in, Bahan NLD zumpi ah kam soina nei ing cih in, amah mahin, pulak paih hi.
UNO Secretary Ban Ki Moon in zong Daw Suu ongsuahtak pen lungdamtakin dawnna kam asoi khit ciangin, ngalkap kumpi tungah ngam vaihanga, thong kia lai te sahkheh ingzong nakpi takin, ngen lai hi.