India lothang te kawlgam ah kipua tahi!

အိန္ဒိယကြက်သွန်နီ မြန်မာပြည် တင်သွင်းမည်

Tuesday, 28 July 2009 16:02
ကြက်သွန်နီဈေး အဆမတန်ကြီးမြင့် လာခြင်းကို ဖြေရှင်းရန် ဈေးသက်သာသည့် အိန္ဒိယနိုင်ငံထွက် ကြက်သွန်နီများအား ပြည်တွင်းသို့ တင်သွင်းရောင်းချ ရေးအတွက် စီစဉ်နေကြောင်း စီးပွားရေးနှင့် ကူးသန်း ရောင်းဝယ်ရေး ၀န်ကြီးဌာနမှ သတင်းရရှိသည်။

ဈေးကွက်အတွင်း ရောင်းချနေသည့် ကြက်သွန်နီများကို မြင်တွေ့ရစဉ် (ဓာတ်ပုံ - Flickr.com)

ယခုနှစ်တွင် ကြက်သွန်နီအထွက်နှုန်း နည်းပါးသည့်အပြင် ထွက်သမျှကိုလည်း ကုန်သည်ကြီးများနှင့် ကြက်သွန်နီပြည်ပပို့ ကုမ္ပဏီကြီးများက သိုလှောင် ဈေးကစားခြင်းတို့ကြောင့် ယခင်က တပိဿာ ၆၀၀ ကျပ်သာရှိရာမှ တပိဿာ ၁၃၀၀ ထိဈေးတက်သွားခဲ့ရာ ဈေးနည်းသည့် အိန္ဒိယ နိုင်ငံထွက် ကြက်သွန်နီများကို မြန်မာနိုင်ငံသို့ တင်သွင်းခွင့်ပြုရန် စီစဉ်နေခြင်းဖြစ်သည်ဟု သိရှိရသည်။

“ကြက်သွန်နီ အထွက်နှုန်းကျတယ်။ အထွက်နှုန်းကျရတဲ့ အထဲ ထွက်သမျှကြက်သွန်ကို ကုန်သည်တွေက ၀ယ်လှောင်ပြီး ဈေးကစားလို့ ကြက်သွန်ဈေးက အရမ်းတက်တယ်။ သိုလှောင်သူတွေက ထုတ်မရောင်းရင် ကြက်သွန်နီဈေးက တက်ဦးမယ့် အနေအထားရှိလို့ ဈေးနည်းတဲ့ အိန္ဒိယကြက်သွန်တွေ သွင်းခွင့်ပေးဖို့ လုပ်တယ်လို့ သိရတယ်” ဟု ဘုရင့်နောင်ပွဲရုံ အခြေစိုက် ကြက်သွန်ကုန်သည်တဦးက ပြောသည်။

ကြက်သွန်နီဈေး တက်သွားခြင်းကြောင့် ကြက်သွန်ကုန်သည်နှင့် ပွဲရုံများကို သက်ဆိုင်ရာ အာဏာပိုင်များက ဇူလိုင်လအတွင်း အထူးအစည်းအဝေး တရပ် ခေါ်ယူ၍ သတိပေး၊ ညှိနှိုင်းမှုများ ပြုလုပ်ခဲ့ကြောင်းလည်း ဘုရင့်နောင်ပွဲရုံတန်းမှ ကြက်သွန်ပွဲရုံ ပိုင်ရှင်တချို့က ပြောဆိုသည်။

“ကြက်သွန်ဈေးပြန်ကျသေးတယ်။ ကြက်သွန်အလုံးကြီး တပိဿာ ၁၃၀၀ လောက်ကနေ ၉၅၀ ထိပြန်ကျတယ်။ ဒါပေမယ့် ကုန်သည်တွေက အများကြီးထုတ်မရောင်းဘူး။ အရောင်းအ၀ယ် မလုပ်ကြဘဲ တက်ဈေးကို ပြန် စောင့်ကြတယ်” ဟု ဇူလိုင်လ ၂၈ ရက် ဘုရင့်နောင် ကြက်သွန်နီဈေးကွက် အနေအထားကို ကြက်သွန် လက်လီ၊ လက်ကား ရောင်းဝယ်သည့် ကုန်သည်တဦးက ပြောသည်။

ယခုနှစ် ကြက်သွန်စိုက်ပျိုးရာ ဒေသများတွင် ရာသီဥတု ဆိုးရွားခြင်း၊ ငွေကြေး အခက်အခဲကြောင့် စိုက်ပျိုးမှု နည်းခြင်း စသည်တို့ကြောင့် အထွက်နှုန်း ကျဆင်းခဲ့ရာ ကြက်သွန်နီ ဈေးနှုန်းကြီးမြင့်ရခြင်း ဖြစ်ကြောင်း သတင်း ရရှိသည်။

“မိုးကြက်သွန်၊ နွေကြက်သွန် နှစ်မျိုးရှိတယ်။ နွေကြက်သွန်က ဒီဇင်ဘာ၊ ဇန်န၀ါရီ မှာစိုက်ရင် ဖေဖော်ဝါရီ၊ မတ်လလောက်မှာ ထွက်တယ်။ မိုး ကြက်သွန်က သြဂုတ်၊ စက်တင်ဘာလောက်မှ စိုက်တယ်။ နောက်သုံးလကြာရင် ထွက်တယ်။ ဒီနှစ် နွေကြက်သွန်က စီးပွားကျပ်တာရယ်၊ ရာသီဥတုမကောင်းတာရယ်ကြောင့် အထွက်နှုန်း တော်တော်ကျသွားတယ်” ဟု မကွေးတိုင်းမှ ကြက်သွန်တောင်သူတဦးက ပြောသည်။

ကြက်သွန်နီကို ပူပြင်းခြောက်သွေ့သော မြန်မာပြည်အထက်ပိုင်း ဒေသကြီးများတွင်သာ စိုက်ပျိုးနိုင်ပြီး ထိုဒေသကြီးများ အားလုံးရှိ ကြက်သွန်နီစိုက်ပျိုးခင်း စုစုပေါင်း ဧက တသိန်းခွဲကျော် ရှိကြောင်း လယ်ယာ စိုက်ပျိုးရေးနှင့် ဆည်မြောင်းဝန်ကြီးဌာန စာရင်းများအရ သိရှိရသည်။

ယခုနှစ် ကြက်သွန်အထွက်နှုန်း ကျသော်လည်း ထွက်သမျှမှာ ပြည်တွင်း စားသုံးမှုဖူလုံကြောင်းနှင့် ကုန်သည်များ သိုလှောင်ခြင်းမရှိပါက သင့်တင့်မျှတသော ဈေးဖြင့် ရောင်းဝယ် လည်ပတ်နိုင်မည်ဟု မြန်မာ့ လယ်ယာ ထွက်ကုန် ပစ္စည်း ရောင်းဝယ်ရေးဌာနမှ ၀န်ထမ်းတဦးက ရှင်းပြသည်။

“အခုစာရင်းတွေအရ ကြက်သွန်နီ ပိဿာချိန်သိန်းပေါင်း ၄၅၀ လောက်ထိ ရှိမယ်လို့ တွက်လို့ရတယ်။ ဒီပမာဏ က ကုန်သည်တွေ မသိုလှောင်ကြဘဲ သင့်တင့်မျှတတဲ့ ဈေးနှုန်းနဲ့ လည်ပတ်နေရင် ပြည်တွင်းစားသုံးမှုအတွက်
ဖူလုံတယ်။ ဒါပေမယ့် သိုလှောင်ပြီး ဈေးကစားကြလို့ မဖြစ်သင့်တဲ့ ဈေးတွေဖြစ်ကုန်တယ်” ဟု ထိုဝန်ထမ်းက ဆိုသည်။

ယခင်နှစ်က အထွက်နှုန်း များခဲ့သည့်အတွက် ကြက်သွန်နီ တန်ချိန် ၄၀၀၀၀ ကျော်၊ အမေရိကန်ဒေါ်လာ ၁၁ သန်းဖိုးနီးပါး ပြည်ပသို့ တင်ပို့နိုင်ခဲ့သည်ဟု ၎င်းကဆက်ပြောသည်။

“ဒီနှစ် ကြက်သွန်နီကို မနှစ်ကလို မပို့နိုင်ဘူး။ အထွက်နှုန်းကျတာက အဓိက ပြဿနာ။ နောက် ဈေးမြင့်နေတာက ဒုတိယပြဿနာ။ ဒီပြဿနာတွေကြောင့် ပြည်ပကိုမပို့နိုင်ဘူး” ဟု သူက ဆိုသည်။

ယခု လက်ရှိ ကြက်သွန်နီဈေးကွက်ပုံစံသည် ၂၀၀၆ ခုနှစ်က တပိဿာ ၂၀၀၀ ကျပ်ထိ ကြက်သွန်နီ အဆမတန် ဈေးမြင့်တက်သည့် ပုံစံ ဖြစ်လာခြင်းကြောင့် ကုန်သည်များကို ခေါ်ယူညှိနှိုင်းကာ အိန္ဒိယမှ ကြက်သွန်များ တင်သွင်းခွင့် ပြုရန် စီစဉ်လာရခြင်းဖြစ်ကြောင်း ဘုရင့်နောင် ကြက်သွန်ရောင်းဝယ်ရေး ပွဲရုံပိုင်ရှင်တဦးက ရှင်းပြသည်။

Than Shwe India gam khualzin ciaptehna file tawh azinna!

ဗိုလ်ချုပ်မှူးကြီး သန်းရွှေ အိန္ဒိယသို့ ခရီးစဉ် မှတ်တမ်း (လျှို့ဝှက်ဖိုင်တွဲ)

မဇ္ဈိမသတင်းဌာန

အင်္ဂါနေ့၊ ဂျူလိုင်လ 28 ရက် 2009 ခုနှစ် 17 နာရီ 08 မိနစ် ဗိုလ်ချုပ်မှူးကြီး သန်းရွှေ အိန္ဒိယသို့ ခရီးစဉ် မှတ်တမ်း (လျှို့ဝှက်ဖိုင်တွဲ) PDF ဖိုင် (47.5 KB)

Sum dal aluite Central bank ah kikheksak dinghi!

ငွေစက္ကူအဟောင်းများ လဲပေးတော့မည်

Tuesday, 28 July 2009 19:05
မြန်မာနိုင်ငံတွင် လက်ရှိ သုံးစွဲနေသော ဟောင်းနွမ်းနေသည့် ငွေစက္ကူများကို ဗဟိုဘဏ်များက လဲလှယ်ပေး တော့မည်ဟု မြန်မာနိုင်ငံတော် ဗဟို ဘဏ်လုပ်ငန်းဌာနခွဲမှ တာဝန်ရှိသူ တဦးက ပြောကြားလိုက်သည်။

ဟောင်းနွမ်းနေသည့် ငွေစက္ကူများကို အသုံးပြုနိုင်ရန် တိပ်ဖြင့်ကပ်နေစဉ် (ဓာတ်ပုံ - လျှပ်တပြက်ဂျာနယ်)

ပြည်သူလူထု၏ လက်တွင်း၌ ဟောင်းနွမ်းနေသော ငွေစက္ကူ အများအပြားရှိနေသည်ဟူသည့် သတင်းများကြောင့် ယခုကဲ့သို့ လဲလှယ်ပေးမည်ဖြစ်ကြောင်း ဗဟိုဘဏ်လုပ်ငန်းဌာနခွဲမှ အမည်မဖော်လိုသူ တာဝန်ရှိသူ တဦးက ဧရာဝတီသို့ ပြောသည်။

ယနေ့ထုတ် မြန်မာ့အလင်း သတင်းစာ၌လည်း မြန်မာ့ စီးပွားရေး ဘဏ်များတွင် သက်မှတ်ချက်နှင့် ပြည့်စုံသော ငွေစက္ကူအဟောင်းများ လာရောက်လဲလှယ်နိုင်ကြောင်း ဖော်ပြထားသည်။

ရန်ကုန်မြို့မှ ကုမ္ပဏီဝန်ထမ်းတဦးက “ပိုက်ဆံတွေက အရောင်အဆင်းမရှိလောက်အောင် စုတ်ပါတယ်၊ ခုနောက်ပိုင်း ဘယ်သူကမှ အထွန့်မတက်ဘူး။ ကိုယ့်ပေးလည်း ယူတယ်၊ ကိုယ်ကပေးလည်း သူက ယူတယ်” ဟု ပြောသည်။ယခုကဲ့သို့ ငွေစက္ကူအသစ်များနှင့် လဲလှယ်ပေးလျှင် အဆင်ပြေကြောင်း သူက ဆက်ပြောသည်။

“ကိုင်ရတာ နည်းနည်းသန့်သွားတာပေါ့။ ဘောင်းဘီထဲ ထိုးထည့်လို့လည်းရတယ်” ဟု ၎င်းက ဆိုသည်။

သက်မှတ်ချက်နှင့် ကိုက်ညီသော ငွေစက္ကူများကို လဲလှယ်ပေးမည်ဟု ဆိုထားသော်လည်း သတင်းစာထဲ၌ ကိုက်ညီရမည့် အချက်များကို ဖော်ပြထားခြင်း မရှိပေ။

မြန်မာနိုင်ငံတော် ဗဟိုဘဏ် ရန်ကုန်ဘဏ်ခွဲ၏ သတင်းထုတ်ပြန်ချက်အရ သြဂုတ်လ ၃ ရက်နေ့မှ စတင်၍ ငွေစက္ကူ ၁၀ ကျပ်တန်မှ ၂၀၀ တန်အထိကို တန်ဖိုးတူချင်း အဟောင်း နှင့် အသစ် လဲလှယ် ပေးရန် စီစဉ်ထားကြောင်း သိရသည်။

လူတဦးလျှင် ငွေစက္ကူ အရွက် ၃၀ သာ လဲလှယ်ပေးမည် ဖြစ်ကြောင်းနှင့် တနင်္လာနေ့နှင့် သောကြာ ၂ ရက်သာ လက်ခံလဲလှယ်ပေးမည် ဖြစ်ကြောင်း ဗဟိုဘဏ် တာဝန်ရှိသူက ပြောသည်။

မြန်မာနိုင်ငံတွင် ကျပ်ငွေ ၅၀ တန်နှင့် ၁၀၀ တန်များ ရှားပါးလျက်ရှိသည်။

ထိုကဲ့သို့ ငွေစက္ကူ အကြွေများ ရှားပါးနေသောကြောင့် ဈေးဆိုင်ငယ်များ၊ လက်ဖက်ရည်ဆိုင်များတွင် ငွေစက္ကူ အကြွေအစား ကော်ဖီမစ်ထုပ်၊ ဖယောင်းတိုင်၊ ဘောပင်၊ သကြားလုံး စသည်တို့ကို ပြန်အမ်းနေရကြောင်း၊ ထိုသို့ အမ်းလိုက်သည့် ပစ္စည်းများဖြင့် ၎င်းဆိုင်တွင် တန်ဖိုးနှင့် ညီမျှသည့်ပစ္စည်း ပြန်လည်လဲလှယ်ဝယ်ယူနိုင်ကြောင်း ရန်ကုန်မြို့ခံများထံမှ သိရသည်။

“ဟောင်းနွမ်းစုတ်ပြတ်နေတဲ့ ငွေစက္ကူ အကြွေတောင် တော်တော်ရှားပါးနေတာ။ တချို့ဆိုင်တွေဆို ကိုယ့်ဘာသာ တုံကင်သဘောမျိုး ၁၀၀၊ ၅၀ ဆိုပြီး စက္ကူလေးတွေပေါ်ရေးထားပြီး ဆိုင်ရှင်က လက်မှတ်ထိုးပေး၊ ပြန်အမ်းလိုက်ရင် အဲဒီစက္ကူလေးတွေနဲ့ အဲဒီဆိုင်မှာ ပြန်ဝယ်လို့ရတယ်” ဟု ရန်ကုန်သားတဦးက ပြောသည်။

ဗဟိုဘဏ် တာဝန်ရှိသူ၏ အဆိုအရ ယခင်ကတည်းက မော်တော်ယာဉ် လိုင်းပေါင်းစုံ ထိန်းသိမ်းရေးကော်မတီ၊ မီးသတ် တပ်ဖွဲ့ အစရှိသည့် ဌာနများကို ဗဟိုဘဏ်က ငွေအကြွေများ လဲလှယ်ပေးလျက်ရှိပြီး ယခုအခါ နယ်ဒေသများတွင်လည်း အထူးအစီအစဉ်နှင့် လဲလှယ်ပေး နေသည်ဟု သိရသည်။

“ကျနော်တို့ အမြဲတမ်းပဲ လဲပေးနေတာ၊ မထသ တို့ မီးသတ်ဌာနတို့ကို တပတ် ကျပ်သိန်း ၁၀၀ ဖိုးလောက် အကြွေတွေလဲပေး နေရတယ်။ သူတို့က တထောင်တန် တွေလာပေး ကျနော်တို့က အကြွေတွေ ပြန်ပေးတယ်။ တခြားမြို့နယ်တွေတိုင်းကို ရောက်အောင် လုပ်ပေးတဲ့သဘောပဲ” ဟု ဗဟိုဘဏ် တာဝန်ရှိသူက ပြောပြသည်။

အစိုးရ ဘဏ်များက ငွေစက္ကူ အစုတ်၊ အဟောင်းများ အပါအဝင် ခြကိုက်ထားသည့် ငွေစက္ကူများ၊ တိပ်ကပ်၊ မီးလောင် ထားသော ငွေများကို ယခင်ကတည်းက လဲလှယ်ပေးလျက်ရှိကြောင်းလည်း သူက ဆိုသည်။

မြန်မာပြည်သူများ လက်ဝယ်၌ လှည့်လည်သုံးစွဲနေသော ဟောင်းနွမ်း ငွေစက္ကူများကို သတ်မှတ်ချက်များ နှင့် ပြည်စုံသော ငွေစက္ကူများဖြစ်ပါက ရန်ကုန်မြို့ အမှတ် ၁၉၈/၁၉၉ ဗိုလ်ဆွန်ပက်လမ်းနှင့် ကမ်းနားလမ်းထောင့်ရှိ မြန်မာ နိုင်ငံတော် ဗဟို ဘဏ်လုပ်ငန်းဌာနခွဲ ငွေစက္ကူလဲလှယ်ရေး ကောင်တာနှင့် မြန်မာ့ စီးပွားရေးဘဏ် ဘဏ်ခွဲအသီးသီးတွင် လက်ခံလဲလှယ် ပေးလျက်ရှိကြောင်း ၎င်းသတင်းစာ၌ ရေးသားထားသည်။

July 31 ni Daw Suu thukhenna omding; asia pen ding kigingkhol un ci gen hi!

ဒေါ်စုအမှု ၃၁ ရက်နေ့ အမိန့်ချမည်၊ အဆိုးဆုံးအတွက် ပြင်ထားဟု ဒေါ်စုပြော

အင်္ဂါနေ့၊ ဂျူလိုင်လ 28 ရက် 2009 ခုနှစ် 14 နာရီ 58 မိနစ်

နယူးဒေလီ။ ။ ဒေါ်အောင်ဆန်းစုကြည်အမှုကို လာမည့်သောကြာနေ့တွင် စီရင်ချက်ချမှာဖြစ်ပြီး၊ အဆိုးဆုံး အခြေအနေကို ပြင်ဆင်ထားကြောင်း မြန်မာ့ဒီမိုကရေစီခေါင်းဆောင်က ပြောကြားလိုက်သည်။ အင်းစိန်ထောင်တွင်း အထူးတရားရုံးက အပြီးသတ် လျှောက်လဲချက်ကို နောက်ဆုံး ကြားနာအပြီး ယခုလ ၃၁ ရက်နေ့တွင် စီရင်ချက်ချမည်ဟု ကြေညာလိုက်သလို၊ ဒေါ်အောင်ဆန်းစုကြည်ကလည်း အဆိုးဆုံးအတွက် ပြင်ဆင်ထားကြောင်း ပြောကြားလိုက်သည်ဟု သူမရှေ့နေ ဦးဉာဏ်ဝင်းက ပြောသည်။ ရဲက တရားလိုပြုလုပ်စွဲဆိုထားသော ဒေါ်အောင်ဆန်းစုကြည် အမှုအတွက် သူ၏ ရှေ့နေများက ပြန်လည်၍ ရှင်းလင်းချေပခြင်းကို ယနေ့တွင် ပြုလုပ်ခဲ့သည်။ သွေးစည်းညီညွတ်မှုကို ပြသသည့် အနေဖြင့် အင်းစိန်ထောင်ရှေ့သို့ သူမ၏ ပါတီ အမျိုးသား ဒီမိုကရေစီအဖွဲ့ချုပ်မှ ရန်ကုန်တိုင်း တွဲဘက်အတွင်းရေးမှူး ဒေါက်တာ မျိုးအောင်၊ ရှေ့နေ ဦးအောင်သိန်း၊ ရှေ့နေ ဦးခင်မောင်ရှိန်၊ ညောင်လေးပင်မြို့နယ် အန်အယ်ဒီ လွှတ်တော်ကိုယ်စားလှယ် ဦးအုန်းမောင်၊ တွံ့တေးမြို့မှ ရှေ့နေ ဦးကြင်တိုးတို့ လာရောက်ကြသည်ဟု သိရသည်။ ပြီးခဲ့သည့် မေလဆန်းတွင် အမေရိကန်နိုင်ငံသား ဂျွန်ဝီလျံယက်တောဆိုသူသည် သူမ အကျယ်ချုပ် ကျခံနေရသည့် နေအိမ်အတွင်း တိတ်တဆိတ် ဝင်ရောက်ခဲ့သည်ကို လက်ခံခဲ့သည်ဟုဆိုကာ အာဏာပိုင်များက အကျယ်ချုပ် စည်းကမ်းဖောက်ဖျက်မှုဖြင့် စွပ်စွဲကာ မေလ ၁၈ ရက်နေ့တွင် တရားစွဲဆိုခဲ့သည်။ သူမ၏ ရှေ့နေများက အမေရိကန်နိုင်ငံသားကို သူမက ဖိတ်ခေါ်ခဲ့ခြင်း မဟုတ်သောကြောင့် အပြစ်မရှိကြောင်းနှင့် နေအိမ်ပတ်ဝန်းကျင်တွင် စောင့်ကြပ်နေသည့် လုံခြုံရေးများသည်သာ ထိုသူကို တားဆီးနိုင်ခြင်း မရှိဘဲ တာဝန်လစ်ဟင်းခဲ့သဖြင့် ထိုသူတို့တွင်သာ တာဝန်ရှိကြောင်း ပြောဆိုခဲ့သည်။ သို့သော်လည်း စွပ်စွဲသူ တရားဆိုင်များဘက်က အထိန်းသိမ်းခံထားရစဉ်အတွင်း မည်သူတဦးတယောက်နှင့်မျှ ဆက်သွယ်ခြင်း၊ တွေ့ဆုံခြင်း မပြုလုပ်ရဟူသော တားမြစ်ချက်ကို ချိုးဖောက်သည်ဟုဆိုကာ ၁၉၇၄ ဖွဲ့စည်းပုံ အခြေခံဥပဒေအရ ဖမ်းဆီးထိန်းသိမ်းခြင်းဆိုင်ရာ ဥပဒေပြဋ္ဌာန်းချက်ကို ချိုးဖောက်ခဲ့သည်ဟု လျှောက်လဲခဲ့သည်။ တရားရုံး၏ စီရင်ချက်သည် မည်သို့ဖြစ်မည်ကို မသိရသေးသော်လည်း အကဲခတ်အများကမူ ဒေါ်အောင်ဆန်းစုကြည်ကို ဆက်လက်၍ ဖမ်းဆီးချုပ်နှောင်ရန်အတွက် ထိုဖြစ်ရပ်ကို အသုံးချကာ အကွက်ဆင်ခဲ့ခြင်းဖြစ်ကြောင်း ဝေဖန်သုံးသပ်ကြသည်။ လွန်ခဲ့သည့် နှစ် ၂၀ ခန့်အတွင်း ဒေါ်အောင်ဆန်းစုကြည်သည် ၁၄ နှစ်ကြာမျှ ဖမ်းဆီးထိန်းသိမ်းခံခဲ့ရသည်။

Galkap kumpi Than Shwe tapa in, Bargaya Tembaw khawlna civil company singluang sepna laksak!

ဗိုလ်ချုပ်မှူးကြီး၏သားက လုပ်ငန်းကြီးတခုကို သိမ်းပိုက်

Tuesday, 28 July 2009 19:19
ရန်ကုန်မြို့ ဗားကရာ ဆိပ်ကမ်းရှိ သစ်အတင်အချ လုပ်ကိုင်နေသော ပုဂ္ဂလိက လုပ်ငန်း တခုကို ဗိုလ်ချုပ်မှူးကြီး သန်းရွှေ၏သား ဦးကြိုင်ဆန်းရွှေက လုယူခဲ့ကြောင်း သိရသည်။

ထိုလုပ်ငန်းသည် နိုင်ငံခြားတင်ပို့မည့် သစ်လုံးများကို ဝန်ချီစက်ကြီးများဖြင့် အတင် အချ ပြုလုပ်ပေး နေသော လုပ်ငန်း ဖြစ်ကြောင်း၊ သောကြာနေ့ (ဇူလိုင်လ ၂၄ ၇က်နေ့)က လုပ်ငန်း ပိုင်ရှင်များ ဖြစ်သည့် ဦးရဲထွန်းနိုင်နှင့် အခြား အစု ရှယ်ယာဝင် ၄ ဦးတို့သည် ထိုလုပ်ငန်းမှ အပြီးတိုင် နှုတ်ထွက်ပေးခဲ့ရကြောင်း သိရသည်။

အဆိုပါ ကုမ္ပဏီမှာ အမည် ပေးထားခြင်း မရှိပေ။

“ဗားကရာမှာ သစ်လုံးသယ်တဲ့ ကရိန်းတွေ ရှိတယ်၊ မြန်မာပြည်မှ သုံးခုပဲ ရှိတယ် အကြီးဆုံးတွေပေါ့၊ ရင်းနှီး မြှုပ်နှံမှုလည်း များတယ်၊ တလကို အမြတ်ငွေ သိန်း၂ဝဝ (ဒေါ်လာ ၁၉ဝဝဝ ကျော်) လောက် ဝင်တယ်၊ လုပ်ငန်းက ခိုင်တော့ ဦးကြိုင်ဆန်းရွှေက မျက်စိကျတာ” ဟု အဆိုပါ လုပ်ငန်းအုပ်စု နင့် နီးစပ်သူ တဦးက ပြောကြားသည်။

ယင်းလုပ်ငန်း၏ အကျိုးအမြတ်ကို မျက်စိကျနေသော ဦးကြိုင်ဆန်းရွှေက အလှည့်ကျ လုပ်ကိုင်ရန် လွန်ခဲ့သော တလခန့်က စတင် ကမ်းလှမ်းခဲ့ကြောင်း၊ ဦးရဲထွန်းနိုင် တို့က လက်မခံသောကြောင့် လုပ်ငန်း တခုလုံးကို လုယူခဲ့ခြင်း ဖြစ်ကြောင်း သိရသည်။

ဗားကရာ ဆိပ်ကမ်းရှိ ၎င်းတို့၏ ရုံးသို့ ဧရာဝတီက ဆက်သွယ် မေးမြန်းခဲ့သော်လည်း ပြန်လည် ဖြေကြားခဲ့ခြင်း မရရှိပေ။

အဆိုပါလုပ်ငန်းသည် အငြိမ်းစား စစ်အရာရှိများ စုပေါင်း၍ လုပ်ကိုင်ထားသည့် လုပ်ငန်း ဖြစ်သည်။ ဦးရဲထွန်းနိုင်သည် စီးပွားရေးနှင့် ကူးသန်း ရောင်းဝယ်ရေး ဝန်ကြီး ဌာနသို့ ပြောင်းရွှေ့ခဲ့သည့် အငြိမ်းစား ဗိုလ်ကြီး တဦး ဖြစ်သည်။

ယခုအခါ လုပ်ငန်းရှင် ဦးရဲထွန်းနိုင် အပါအဝင် အစုရှယ်ယာဝင် ငါးဦးသည် ၎င်းတို့ပိုင် လုပ်ငန်းသုံး ပစ္စည်းများကို ထုခွဲ ရောင်းချရန် စီစဉ် နေပြီး အလုပ်သမား ၅ဝ ခန့် ကိုလည်း လျော်ကြေး အဖြစ် မြန်မာငွေ ကျပ်၂သောင်းခွဲစီ ပေးလျော်ခဲ့ရကြောင်း အဆိုပါ လုပ်ငန်းအုပ်စု နှင့် နီးစပ်သူများက ဧရာဝတီကို ပြောပြသည်။

ဦးကြိုင်ဆန်းရွှေသည် စစ်အစိုးရ ချုပ်ကိုင်ထားသော စီးပွားရေးလောကမှ ဦးတေဇ၊ ဦးဇော်ဇော်၊ ဗိုလ်ချုပ်ကြီး ရွှေမန်း၏ သား ဦးအောင်သက်မန်း တို့ကဲသို့ နာမည်ကြီး စီးပွားရေး သမား မဟုတ်ပေ။ သို့သော်လည်း ကုမ္ပဏီများတွင် အစုရှယ်ယာ အဖြစ် ငွေကြေး ထည့်ဝင်ခြင်း မရှိဘဲ အကျိုး အမြတ် ရယူသူဟုလည်း ရန်ကုန်မှ စီးပွားရေး လုပ်ငန်းရှင် တချို့က ပြောသည်။

Daw Suu Kyi thu tawhkisai ani kikhinto kik!

အပြီးသတ်လျှောက်လဲချက် ဆက်လက်ကြားနာ မနက်ဖြန်သို့ ထပ်မံရွှေ့ဆိုင်း

Monday, 27 July 2009 20:20
ဒေါ်အောင်ဆန်းစုကြည် အမှုနှင့် ပတ်သက်၍ အပြီးသတ် လျှောက်လဲချက်များကို အင်းစိန်ထောင်တွင်း အထူး တရားရုံးတွင် ယနေ့ ဆက်လက် ကြားနာစစ်ဆေး ပြီးနောက် မနက်ဖြန်သို့ ထပ်မံရွှေ့ဆိုင်းလိုက်ကြောင်း ရှေ့နေများက ပြောသည်။

အင်းစိန်ထောင်အနီး၌ ယနေ့တွင် လုံခြုံရေးတပ်ဖွဲ့ဝင်များက လမ်းများကို ပိတ်ဆို့ တားဆီး ထားသည်ကို တွေ့ရစဉ် (ဓာတ်ပုံ - ခင်မောင်ဝင်း/AP)

ယနေ့တွင် ဒေါ်အောင်ဆန်းစုကြည်နှင့် အတူနေသူ ဒေါ်ခင်ခင်ဝင်းနှင့် မ၀င်းမမတို့အတွက် လိုက်ပါ ဆောင် ရွက်သော ရှေ့နေ ဦးလှမျိုးမြင့်က လျှောက်လဲချက် ပေးခဲ့ပြီး၊ မစ္စတာယက်ထောအတွက် လိုက်ပါ ဆောင် ရွက် သော ရှေ့နေ ဦးခင်မောင်ဦးမှ လျှောက်လဲချက်ပေးခဲ့ကာ အစိုးရရှေ့နေဘက်မှလည်း ပြန်လည်လျှောက်လဲခဲ့ပြီး နောက် တရားရုံးက မနက်ဖြန်သို့ ထပ်မံရွှေ့ဆိုင်းလိုက်သည်ဟု ရှေ့နေကြီး ဦးဉာဏ်ဝင်း ကပြောဆိုသည်။

“ဒီနေ့ မနက် ၁၀ နာရီက စပြီး ဦးလှမျိုးမြင့်က လျှောက်လဲချက်ပေးတယ်၊ နေ့ခင်း ၁ နာရီက ပြန်စပြီး အစိုးရ ရှေ့နေက လျှောက်လဲချက်ပေးတာ ညနေ ၅ နာရီမှာ မနက်ဖြန် ၁၀ နာရီကို ပြန်ချိန်းလိုက်တယ်၊ ကျနော်တို့ reply (ပြန်လည်ရှင်းလင်းတာ)လုပ်ရဦးမယ်၊ မစ္စတာ ယက်ထောရဲ့ အမှု၂မှုကလည်း လျှောက်လဲချက်ပေးရ ဦးမယ်”ဟု ၎င်းက ပြောပြသည်။

အင်းစိန်ထောင်ပတ်ဝန်းကျင်တွင်လည်း ယနေ့ ရဲများ၊ လုံထိန်း၊ စွမ်းအားရှင် စုစုပေါင်း ၁၀၀၀ ၀န်းကျင်ခန့်က အမျိုးသားဒီမိုကရေစီအဖွဲ့ချုပ်(NLD) မှ အဖွဲ့ဝင်များ၊ လာရောက်ကြည့်ရှုသူများနှင့် သတင်းထောက်များ စုစုပေါင်း လူ ၄၀၀ ၀န်းကျင်ခန့်ကို စောင့်ကြည့်လျက်ရှိကြောင်း ပြည်တွင်းသတင်းထောက် တဦးက ပြောဆိုသည်။

NLD ရုံးချုပ်ရှေ့နှင့် အနီးတ၀ိုက်တွင်လည်း ယူနီဖောင်းဝတ်ရဲများ ပါရှိသော ရဲကား ၅ စီး၊ စွမ်းအား ရှင်များပါသော ဒိုင်ယာနာ ၄ စီး၊ ရွှေဂုံတိုင်မီးပွိုင့်ထိပ်တွင်လည်း ရဲကား ၂စီး၊ ဒိုင်နာ ကား ၂ စီး အစောင့်ချ ထားပြီး မြေနီကုန်းထိပ်တွင်လည်း ရဲကား ၁ စီး လှည့်ကာ လုံခြုံရေးတင်းကျပ်လျက်ရှိကြောင်း သိရသည်။

ယင်းသို့ အပြီးသတ်လျှောက်လဲချက် ကြားနာ စစ်ဆေးရန်အတွက် တရားရုံး၏ ထပ်မံရွှေ့ဆိုင်းနေခြင်းကို ကျေနပ်မှုမရှိကြောင်း ပြီးခဲ့သည့်ရုံးချိန်းတွင် ဒေါ်အောင်ဆန်းစုကြည် က ပြောဆိုထားသည်။

ဇူလိုင် ၂၄ ရက်နေ့က အင်းစိန်ထောင်တွင်း အထူးတရားရုံးတွင် ယင်းအမှုကို နေ့လယ် ၂ နာရီခန့်မှ စတင်ကြားနာ ရာ ဒေါ်အောင်ဆန်းစုကြည်ဘက်မှ ရှေ့နေကြီး ဦးကြည်ဝင်း တဦးတည်းသာ လျှောက်လဲချိန်ရရှိကြောင်း၊ လျှောက်လဲ ချိန်သည် ရုံးချိန်လွန်သွားသည့်အတွက်ဟုဆိုကာ တရားရုံး က ယနေ့နေ့တွင် ဆက်လက် ကြားနာ စစ်ဆေးမည်ဟု ချိန်းဆိုလိုက်ခြင်းဖြစ်သည်။

ထိုနေ့က ကြားနာသည့် အင်းစိန်ထောင်တွင်း အထူးတရားရုံး တရားခွင်သို့ နိုင်ငံခြားသံရုံးများဖြစ်သော ဗြိတိန်၊ ပြင်သစ်၊ အီတလီ ၊ ဂျာမနီ နှင့် နော်ဝေး သံရုံးများမှ သံအရာရှိများလာရောက်၍ ဒေါ်အောင်ဆန်းစုကြည်နှင့် မိနစ် အနည်းငယ် နှုတ်ဆက်စကားပြောသည်ဟုလည်း ၎င်းက ဆိုသည်။ သို့သော် သတင်းမီဒီယာများကိုမူ တရားခွင် သို့ လာရောက်ခွင့်မပြုကြောင်း သိရသည်။

ယင်းသို့ ဒေါ်အောင်ဆန်းစုကြည်အမှု ကြားနာစစ်ဆေးနေချိန်၌ အင်းစိန်ထောင်နှင့် အနီးတဝိုက်တွင် အာဏာပိုင် များက ယခင်ကထက် လုံခြုံရေး ပိုမိုတင်းကျပ်ထားကြောင်းလည်း သိရသည်။

ဒေါ်အောင်ဆန်းစုကြည်၏ အမှုနှင့် ပတ်သက်ပြီး နောက်ဆုံးအကြိမ် အပြီးသတ်၂ ဘက်လျှောက်လဲကြားနာ ရန် အတွက် ဇူလိုင် ၂၄ ရက်နေ့တွင် တရားရုံးက ချိန်းဆိုထားခြင်းဖြစ်သည်။

ဒေါ်အောင်ဆန်းစုကြည်ကို ၎င်း၏အိမ်သို့ တိတ်တဆိတ်ဝင်ရောက်ခဲ့သော ဂျွန် ၀ီလျံ ယက်ထော အမှုနှင့် ပတ် သက် ပြီး အာဏာပိုင်များက မေလ ၁၄ ရက်နေ့ နံနက်ပိုင်းတွင် အကျယ်ချုပ်ထားရာနေအိမ်မှ အင်းစိန်အကျဉ်း ထောင်သို့ ခေါ်ဆောင်၍ တားဆီးမိန့် ချိုးဖောက်မှု ပုဒ်မ ၂၂ ဖြင့် တရားစွဲဆိုလိုက်ကာ မေလ ၁၈ ရက်နေ့မှ စတင်၍ အစိုးရ တရားလိုပြ သက်သေများကို ဆက်တိုက် စစ်ဆေးခဲ့ပြီး မေလ၂၆ နေ့တွင်မှ ဒေါ်အောင်ဆန်း စုကြည်ကို စစ်ဆေးခြင်းဖြစ်သည်။

ဒေါ်အောင်ဆန်းစုကြည်သည် ပုဒ်မ ၂၂ အရ ပြစ်မှု ထင်ရှားပါက ထောင်ဒဏ် ၃ နှစ်မှ ၅ နှစ်အထိ ကျခံရနိုင် ကြောင်း သိရသည်။

အဆိုပါ ဂျွန် ၀ီလျံ ယက်ထော(Mr. John William Yettaw)သည် အင်းလျားကန်စောင်းရှိ ဒေါ်အောင်ဆန်း စုကြည် ၏ နေအိမ်သို့ ရေကူး၍သွားရောက်ကာ မေလ ၃ ရက် မှ ၅ ရက်နေ့အထိ ၃ ရက်ကြာနေထိုင်ခဲ့ပြီး မေလ ၆ ရက် နေ့တွင် အင်းလျားကန် အတွင်း ၌ ၎င်းအား တွေ့ရှိရသဖြင့် ဖမ်းဆီးခဲ့ကြောင်း မေလ ၇ ရက်နေ့ထုတ် စစ်အစိုးရ သတင်းစာများတွင် ဖော်ပြထားသည်။

ဒေါ်အောင်ဆန်းစုကြည်သည် ၂၀၀၃ ခုနှစ် မေလတွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှု အပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်းခံနေရသည့် ၆ နှစ်ပြည့်ခါနီး အချိန်တွင် ယခုကဲ့သို့ တရားစွဲဆို ခံရခြင်းဖြစ်သည်။ ၁၉၈၉ ခုနှစ်မှ စ၍ နေအိမ် အကျယ်ချုပ် ဘ၀ဖြင့် နေရချိန် စုစုပေါင်း ၁၃ နှစ်ကျော်ပြီ ဖြစ်သည်။

Gam dang pan honglut neeksathau nam 4 kikhaktanh!

စားသုံးဆီအမှတ်တံဆိပ် ၄ မျိုး ပိတ်ပင်

Monday, 27 July 2009 16:37
ပြည်ပမှ ဝင်ရောက်လာသော စားသုံးဆီများကို စစ်အစိုးရက စားသုံးရန် မသင့်ဟုဆိုကာ ရောင်းချခြင်း၊ စားသုံးခြင်း မပြုရန် တားမြစ်လိုက် ခြင်းကြောင့် ယင်းအမှတ် တံဆိပ်များ ရောင်းချ လျက်ရှိသော ဆီကုန်သည်များ အခက်အခဲဖြစ်နေရကြောင်း ကြားသိရသည်။

ဈေးကွက်အတွင်း ရောင်းချနေသော ပြည်ပမှ တင်သွင်းသည့် စားသုံးဆီများအနက် အမှတ်တံဆိပ် ၄ ခုကို စားသုံးရန်မသင့်ကြောင်း ကျန်းမာရေးဝန်ကြီးဌာနမှ ဇူလိုင် ၂၅ ရက်ထုတ် စစ်အစိုးရပိုင် သတင်းစာများတွင် ကြေညာချက် ထုတ်ပြန်ခဲ့သည်။

“ဒီလို စားသုံးရန်မသင့်ဘူး ဆိုပြီးသာ ခဏခဏကြေညာနေတယ်။ ရောင်းတဲ့သူကရောင်း၊ စားတဲ့သူက စား နေတာပဲ။ အခုလည်း ရေသန့်တွေကို စစ်နေပြန်ပြီ၊ လုပ်ငန်းဘယ်နှခုလောက် နားရဦးမလဲမသိဘူး” ဟု ရန်ကုန် မြို့ခံတဦးက ဆိုသည်။

ဈေးကွက်များတွင် ရောင်းချလျက်ရှိသော စားသုံးဆီများကို ဓာတ်ခွဲစစ်ဆေးခဲ့ရာ ပြည်ပမှ တင်သွင်းသော အမှတ်တံဆိပ် ၄ ခုတွင် စားသုံးဆီသတ်မှတ်ချက်နှင့် ကိုက်ညီမှုမရှိသဖြင့် စားသုံးရန်မသင့်ကြောင်း ထုတ်ပြန်ခဲ့ သည်ဟု ကျန်းမာရေးဝန်ကြီးဌာန လက်အောက်ရှိ ဗဟိုအစားအသောက်နှင့် ဆေးဝါး စီမံကွပ်ကဲရေး အဖွဲ့မှ တာဝန်ရှိသူ တဦးကပြောသည်။

ယင်းတံဆိပ်လေးခုမှာ မလေးရှားနိုင်ငံထုတ် ကျောက်ပုစွန်နှစ်ကောင် (Star Oil ကြယ်နီပုံ) အမှတ်တံဆိပ် (၁၈ လီတာဝင် အဝါရောင်ပလတ်စတစ်ပုံး)၊ ကျောက်ပုစွန်တကောင်အမှတ်တံဆိပ် (၁၈လီတာဝင် အဝါရောင် ပလတ်စတစ်ပုံး)၊ ရေနဂါး (Twin Sea Horse) အမှတ်တံဆိပ် (၁၈လီတာဝင် အဝါရောင်ပလတ်စတစ်ပုံး) နှင့် Manufactured by, A1 Energy company Limited.ထိုင်းနိုင်ငံထုတ် ငါးကြော် (Pamola Brand) အမှတ် တံဆိပ် များဖြစ်ပြီး ၎င်းတို့ကို ရောင်းချခြင်းမပြုရန် လိုက်လံအသိပေး လျက်ရှိကြောင်း ညောင်ပင်လေးဈေး ပလာဇာရှိ စားသုံးဆီ ရောင်းဝယ်ရေးဆိုင်မှ အရောင်းဝန်ထမ်းတဦးက ဧရာဝတီကိုပြောသည်။

ပြီးခဲ့သည့်လများက လက်ဖက်များတွင် ဆိုးဆေးပါသဖြင့် စားသုံရန်မသင့် ဟုဆိုကာ တားမြစ်ခဲ့ သော်လည်း ယခုရက်ပိုင်းတွင်ပြန်လည်ရောင်းချခွင့်ပြုခဲ့သည်။

မေလ နှင့် ဇွန်လ ကလည်း ဓာတ်ခွဲခန်းသုံး ဆိုးဆေး အသုံးပြုထားသည့် ငါးပိ တံဆိပ် ၇၉ မျိုး၊ ငရုတ်သီးမှုန့် တံဆိပ် ၆ မျိုး၊ ပဲနီလေး တံဆိပ် ၁ မျိုး၊ ယိုစုံ (အချဉ်ထုပ်) တံဆိပ် ၁ မျိုး တို့ကို ပိတ်ပင်ကြောင်း ကျန်းမာရေး ဌာနက ထုတ်ပြန်ခဲ့သည်။

မန္တလေးမြို့ထုတ် ငရုတ်သီးမှုန့်နှင့် ငါးပိ အမှတ်တံဆိပ် ၂၈ ခုတွင် အန္တရာယ်ကြီးသည့် ဓာတုဗေဒ ဆိုးဆေး ပါဝင်နေသဖြင့် စားသုံးရန် မသင့်ကြောင်း ယခုလ ၁၃ရက်နေ့ ကကြေညာခဲ့သည်။

1929 kum America gam a Mipi ading gal lauhuai mahmah!

လူထုရန်သူ

ဆောင်းပါး

တနင်္လာနေ့၊ ဂျူလိုင်လ 27 ရက် 2009 ခုနှစ် 12 နာရီ 44 မိနစ်

၁၉၂၉ ခုနှစ် အမေရိကန် စီးပွားပျက်ကပ်ကာလ နောက်ပိုင်းတွင် နိုင်ငံတွင်း ရာဇဝတ်မှုများမှာ အလွန်ပင် ထူပြောလာခဲ့သည်။ အိုက်(စ)ကရင်လို မုန့်မျိုးကိုပင် အလစ်သုတ်မှုမှအစ ဘဏ်ဓားပြတိုက်မှုများအထိ ရှိခဲ့သည်။ ချီကာဂိုတွင် အကောင်းစားဟိုတယ်တခု ငှားရမ်းပြီး ရုံးခန်းဖွင့်ကာ ရာဇဝတ်မှုများကို ကုမ္ပဏီလုပ်ငန်းတခုကဲ့သို့ တိကျသေချာစွာ ဆောင်ရွက်သွားခဲ့သည့် ထိပ်တန်းအမေရိကန် မာဖီးယား အယ်(လ)ကပုန်းကဲ့သို့ပင် အမေရိကန် သမ္မတကိုယ်တိုင် ပြည်သူ့ရန်သူ (Public Enemies) အဖြစ် ကြေညာပြီး အမြစ်ပြတ်ချေမှုန်းရန်အတွက် ဆယ်စုနှစ် နှစ်ခုခန့် အချိန်ယူခဲ့ရသည်။ ထိုအချိန်က အမေရိကန်နိုင်ငံတွင် ရာဇဝတ်မှု ကျူးလွန်သူများ၏ ရွှေခတ်ဟု သတင်းစာများက တင်စားရလောက်အောင်ပင် ချီကာဂို၊ နယူးယောက် စသည့် မြို့ကြီးအချို့တွင် ရာဇဝတ်မှုများမှာ ပေါများခဲ့သည်။ ဥပဒေဘောင်အပြင်ဘက်မှ မြေအောက်လောကသားများက ခွေးဘီလူးဟု ကင်းပွန်းတပ်ခဲ့ကြသည့် FBI ၏ သက်တမ်းအရှည်ဆုံး ညွှန်ကြားရေးမှူးဖြစ်သည့် အက်ဂါ ဟူးဗားက ရာဇဝတ်မှု စစ်ဆင်ရေးစစ်ပွဲဟု အမည်ပေးကာ စုံထောက်အင်အား များစွာသုံးပြီး ချေမှုန်းခဲ့ရသည်။ အယ်(လ)ကပုန်းကဲ့သို့ပင် ထိုအချိန်က နာမည်ကျော် ဘဏ်ဓားပြနှင့် ထောင်ဖောက်မှုများ အကြိမ်ကြိမ် ကျူးလွန်သူတဦးဖြစ်သည့် ဂျွန်ဒလင်ဂျာမှာ အုပ်စုဖွဲ့၍ ရာဇဝတ်မှု ကျူးလွန်သူတဦးဖြစ်ပြီး ပြည်သူ့ရန်သူ နံပါတ် ၁ အဖြစ် ကြေညာခဲ့ရသည်။ ထောင်ဖောက်ထွက်ပြေးမှု ၂ ကြိမ်အထိ ကျူးလွန်ခဲ့ပြီး၊ သူ မသေဆုံးခင်အထိ ဘဏ်ဓားပြတိုက်မှု နှစ်ဒါဇင်ထက်မနည်း ကျူးလွန်ခဲ့သည်။ ရဲစခန်း ဝင်ရောက်စီးနင်းမှုများနှင့် ရဲအရာရှိ ပေါင်းများစွာမှာ သူ့လက်ချက်ကြောင့် အသက်ပျောက်ခဲ့ရသည်။ စတင်ဖွဲ့စည်းခါစ ပြည်တွင်းလုံခြုံရေးတာဝန်ကို ယူထားရသည့် FBI အဖွဲ့မှာ ကျယ်ပြန့်၍ ကျစ်လစ်စွာ ဖွဲ့စည်းထားသည့် ဂျွန်ဒလင်ဂျာနှင့် အဖွဲ့ကို နှိမ်နင်းနိုင်ရန်အတွက် အမှုလိုက် အတွေ့အကြုံရှိသည့် နာမည်ကျော် စုံထောက်များကို အားကိုးခဲ့ရသည်။ ထိုအချိန်က FBI ၏ အရှင်သခင်တဦးဖြစ်သည့် အက်ဂါဟူးဗားမှာ ဂျွန်ဒလင်ဂျာနှင့် အဖွဲ့ကို ဖမ်းဆီးရနိုင်ရန် အထူးယူနစ်တခုကို တည်ထောင်ခဲ့ရသည်။ ထိုအထူးယူနစ် အဖွဲ့ဝင်တဦးဖြစ်သည့် စုံထောက် မယ်ဗင် ပါဗစ်မှ ဂျွန်ဒလင်ဂျာနှင့် သက်တူရွယ်တူဖြစ်ပြီး နောင်အခါတွင် ဒလင်ဂျာကို ဇီဝိန်ချွေနိုင်ခဲ့သူ ဖြစ်ခဲ့သည်။ ဒလင်ဂျာကို FBI စုံထောက်များက အသေဖမ်းဆီးမိနိုင်သည့် သတင်းမှာ အမေရိကန်နိုင်ငံတွင်သာမက တကမ္ဘာလုံးက စိတ်ဝင်စားခဲ့သည်။ ၁၉၃၄ ခုနှစ် ဇူလိုင်လ ၂၂ ရက်နေ့တွင် သေဆုံးခဲ့သည့် ဒလင်ဂျာ၏ သတင်းနှင့် ဓာတ်ပုံကို ထိုစဉ်က မြန်မာသတင်းစာများ၏ ခေါင်းကြီးပိုင်းတွင် ရေးသားကြကုန်လေသည်။ တချိန်က ရာဇဝင်လူဆိုးကြီး ဒလင်ဂျာအကြောင်းကို စာအုပ်အဖြစ်၎င်း၊ ရုပ်ရှင်အဖြစ်၎င်း ဖန်တီးခဲ့ကြဖူးပြီး ယခုလဆန်းပိုင်းက အမေရိကန်တွင် ရုံတင်ခဲ့သည့် Public Enemies ဇာတ်ကားမှာ လူဆိုးကြီး ဂျွန်ဒလင်ဂျာနှင့် အပေါင်းအပါတို့၏ ဘဝဇာတ်ကြောင်းဖြစ်သည်။ ဂျွန်ဒလင်ဂျာအဖြစ် ဂျွန်နီဒပ်က သရုပ်ဆောင်ပြီး FBI စုံထောက်ကျော် မယ်ဗင် ပါဗစ်အဖြစ် ခရစ်တီးယန်း ဘေးက သရုပ်ဆောင်သည်။ Heat နှင့် Collateral ဇာတ်ကားများကို ရိုက်ကူးခဲ့သည့် မိုက်ကယ်မန်းက ဒါရိုက်တာအဖြစ် ရိုက်ကူးခဲ့သည်။ The JackRabbit ဟု မြေအောက်လောကသားများက ခေါ်ကြသည့် ဂျွန်ဒလင်ဂါကို ၁၉ဝ၃ ခုနှစ် ဇွန်လ ၂၂ ရက်နေ့ထွက် အင်ဒီယားနားပြည်နယ် အင်ဒီယာနာပိုလစ်မြို့၌ မွေးဖွားခဲ့သည်။ ကျောင်းနေအရွယ်ကပင် ဆိုးမိုက်တတ်သည့် ဗီဇဉာဉ်ပါလာသောကြောင့် အတန်းဖော်များနှင့် မကြာခဏ ပြဿနာတက်လေ့ရှိသည်။ လုယက်မှု၊ အပြင်းအထန် ဒဏ်ရာရအောင် ရိုက်နှက်မှုနှင့် ရာဇဝတ်မှုတခုကြောင့် ထောင်ထဲတွင် ၈ နှစ်ခွဲခန့် နေခဲ့ရသည့် ဒလင်ဂျာမှာ ထောင်မှ လွတ်လျှင်လွတ်ခြင်း အိုဟိုင်းယိုပြည်နယ်ရှိ ဘလဖ်တွန်ဘဏ်တိုက်ကို လက်နက်ကိုင် ဖောက်ထွင်းခဲ့ပြန်သည်။ ထိုဘဏ်ဖောက်လုယက်မှုကြောင့် နောက်ထပ်တကြိမ် ဖမ်းဆီးခြင်း ခံနေရသည့် ဒလင်ဂျာမှာ ၁၉၉၃ ခုနှစ် စက်တင်ဘာလတွင် သူ၏ တပည့်တပန်းများဖြစ်သည့် ဟာမီတန်၊ မက်ကေး၊ ပီယာပွန့်က ထောင်ပြောင်းရွှေ့ရန် လာရောက်သည့် အာဏာပိုင်များအဖြစ် ထောင်တွင်းသို့ အယောင်ဆောင်ဝင်လာကာ ဒလင်ဂျာအား ထောင်အနုကြမ်းစီး၍ ကယ်ထုတ်သွားနိုင်ခဲ့ပုံဖြင့် Public Enemies ဇာတ်ကားကို ဖွင့်လှစ်ထားသည်။ ဒလင်ဂျာ၏ လက်ဦးဆရာဖြစ်သူ ဝေါ်လ်တာမှာမူ ထောင်ဖောက်ပွဲတွင် ထောင်အာဏာပိုင်များ၏ ပစ်ခတ်မှုကြောင့် ကျဆုံးသွားခဲ့ရသည်။ ဒလင်ဂျာအား ကယ်ထုတ်သွားခဲ့သူများမှာလည်း လွန်ခဲ့သည့် ၁ဝ ရက်လောက်ကမှ ထောင်ကိုစီးနင်း၍ ထွက်ပြေးလာသူများဖြစ်ပြီး ကျန်ရစ်ခဲ့သည့် သူ့ဆရာကို လာကယ်ခြင်းဖြစ်သည်။ ထောင်ဖောက်ထွက်ပြေးမှုတွင် လွတ်မြောက်သွားသည့် ဒလင်ဂျာ၏ ဂိုဏ်းသားအချို့မှာလည်း နောင်တွင် အမေရိကန်၏ နာမည်ကျော် လူဆိုးကြီးများ ဖြစ်လာခဲ့သည်။ ဒလင်ဂျာတို့ ထောင်ဖောက်ထွက်ပြေးမှုသည် သတင်းစာများတွင် ပါရှိလာသောအခါ FBI ညွှန်ကြားရေးမှူး အက်ဂါဟူးဗားကလည်း စုံထောက်များကို စေလွှတ်ပြီး ထောင်ဖောက်ဝရမ်းပြေးတို့ ခိုအောင်းလေ့ရှိသည့် နေရာများကို ဝင်ရောက်ရှာဖွေစီးနင်းခိုင်းသည်။ တနေ့ FBI စုံထောက်ကျော်တဦးဖြစ်သည့် မယ်ဗင် ပါးဗစ်နှင့် အဖွဲ့က နာမည်ကျော် ဒုစရိုက်သမားတဦးဖြစ်ပြီး ဒလင်ဂျာတို့ ထောင်ဖောက်မှုတွင် တနည်းတဖုံ ပါဝင်ပတ်သက်နေသည်ဟု ယူဆရသည့် Preety ‘Boyd Floyd ကို အသေပစ်သတ်နိုင်ခဲ့ရာ အက်ဂါ ဟူးဗားက သူ့ကို ချီကာဂိုမြို့၏ FBI အကြီးအကဲအဖြစ် ရာထူးတိုးပေးခဲ့သည်။ ထောင်ဖောက်လွတ်မြောက်လာခဲ့သည့် ဒလင်ဂျာနှင့် သူ့အဖွဲ့သားများမှာ ဘဏ်ဓားပြတိုက်မှု၊ ငွေတိုက်ဝင်စီးမှု၊ လက်နက်တိုက်ဝင်စီးမှု၊ ရဲစခန်းစီးနင်းမှုများကို အနောက်အလယ်ပိုင်း ပြည်နယ်များတွင်သာမက ဖလော်ရီဒါနှင့် အရီဇိုးနယ်ပြည်နယ်များထိပါ ရာဇဝတ်မှုများ ကျူးလွန်ခဲ့သည်။ ဒလင်ဂျာ ခိုအောင်းနေသည်ဟု သတင်းရရှိသည့် နေရာတခုကို မယ်ဗင် ပါဗစ်နှင့် အဖွဲ့ ဝင်ရောက်ဖမ်းဆီးရာ သူတို့အဖွဲ့ထဲမှ စုံထောက်အချို့မှာ ဒလင်ဂျာ၏ ဂိုဏ်သားများက ခုခံပစ်ခတ်မှုကြောင့် သေဆုံးခဲ့ပြီး ပုန်းအောင်းနေသူမှာလည်း ထွက်ပြေးလွတ်မြောက်သွားသည်။ FBI အဖွဲ့၏ အကျအဆုံးများလှသော ဝင်ရောက်ဖမ်းဆီးမှု မအောင်မမြင် ဖြစ်သွားပြီးနောက်တွင် အက်ဂါ ဟူးဗားကို မယ်ဗင်က တောင်းဆိုမှုတရပ် ပြုလုပ်သည်။ တရားရေး မဏ္ဍိုင်မှ ပုဂ္ဂိုလ်များက အသေရရ အရှင်ရရ အမိန့်ထုတ်ပြီးပြန်ပါမှ သူ့အနေဖြင့် ဒလင်ဂျာကို အသေပစ်ဖမ်းခွင့်ရှိမည် ဖြစ်သည်။ (အမေရိကန် အချို့ပြည်နယ်များ၏ ဥပဒေ အရ ထိုအချိန်က တရားခံများကို အသေပစ်ဖမ်းခွင့် မရှိချေ။ ပြည်နယ်ကျော်၍ ဖြစ်ပွားသော မှုခင်းများကိုသာ ပြည်ထောင်စု စုံစမ်းထောက်လှမ်ရေး ဝန်ထမ်းများက လိုက်လံ၍ စုံစမ်းထောက်လှမ်းနိုင်သည်)။ ဒလင်ဂျာတို့အဖွဲ့ထဲရှိ Baby Face Nelson မှာ ပါဗစ်တို့ ဖမ်းဆီးမှုမှ လွတ်မြောက်သွားပြီးနောက် နိုင်ငံအနှံ့ ရာဇဝတ်မှုများ ဆက်တိုက်ကျူးလွန်နေသည့် ဒလင်ဂျာမှာ အီဗလင် ဖရန့်ချက်ဆိုသည့် အပျော်မယ်တဦးနှင့် မေတ္တာသက်ဝင်မိသွားသည်။ အစက ဒလင်ဂျာကို နာမည်ကျော် ဝရမ်းပြေးတဦးမှန်း မသိသော်လည်း နောက်ပိုင်းတွင် ဒလင်ဂျာအတွက် အကောင်းဆုံး အဖော်မွန် ဖြစ်ခဲ့သည်။ (ဖရန့်ချက်မှာ ဒလင်ဂျာကို ကူညီမှုကြောင့် ထောင်ကျခဲ့ပြီး သူထောင်မှ လွတ်သည့် အချိန်တွင် ဒလင်ဂျာလည်း သေဆုံးသွားပြီဖြစ်သည်။ ဒလင်ဂျာနှင့် သူ၏ ချစ်ဇာတ်လမ်းကို Confession of True Romance အမည်ဖြင့် စာအုပ်တအုပ် ရေးသားခဲ့သည်)။ ဘဏ်ဓားပြတိုက်မှု၊ လက်နက်တိုက်စီးမှုများဖြင့် FBI က အလိုရှိနေပြီး အမေရိကန်တွင်လည်း တစထက်တစ နာမည်ကြီးလာသည့် ဒလင်ဂျာမှာ အရီဇိုးနားပြည်နယ် တခ်ဆန်မြို့ရှိ ဟိုတယ်တခုတွင် ပုန်းအောင်းနေခိုက် ဟိုတယ်မီးလောင်မှုကြောင့် ဆွမ်းခံရင်း ငှက်သင့်ဖြစ်ကာ စုံထောက်များ၏ ဖမ်းဆီးခြင်းကို ခံရပြန်သည်။ ထောင်ကို စီးနင်း၍ ထွက်ပြေးမှုကြောင့် သူ့ကို လုံခြုံရေး တင်းကျပ်စွာ ချထားသော အင်းဒီယားနား ပြည်နယ်တွင်းရှိ ကရောင်းပွိုင့် အကျဉ်းထောင်တွင် ဖမ်းဆီးထားသော်လည်း သူ့ အပေါင်းအဖော် အချို့နှင့်အတူ လွတ်မြောက်သွားခဲ့ပြန်သည်။ ဒလင်ဂျာအား ဖမ်းဆီးထားရာ ထောင်ကြီးမှာ လုံးဝမလွတ်မြောက်နိုင်သည့် (Escape Proof) ဟု ခေါ်သည့် အထူးထောင်မှ ဒလင်ဂျာသည် လွတ်မြောက်အောင် ကြံဆောင်နိုင်သည်။ ဒုတိယအကြိမ် ထောင်ဖောက် ထွက်ပြေးလာနိုင်သည့် ဒလင်ဂျာမှာ အမေရိကန် မြေအောက်လောကတွင် သြဇာအရှိဆုံး ဖြစ်လာခဲ့သည်။ ထောင်ဖောက်ထွက်ပြေးသွားခဲ့သည့် ဒလင်ဂျာတို့ အုပ်စုကို ချီကာဂို အခြေစိုက် မာဖီးယားခေါင်းဆောင် အယ်ကပုန်းက သူ့လူ Frank Nitti မှတဆင့် လုံခြုံစိတ်ချသော နေရာတွင် နေထိုင်နိုင်ရေးအတွက် အကူအညီပေးထားသည်။ ထောင်မှထွက်ပြီး မကြာခင်ပင် ဘဏ်ဓားပြတိုက်မှုတခု ကျူးလွန်ရာ အစောင့်ရဲတို့နှင့် ပစ်ခတ်မှုဖြစ်ပြီး ဒလင်ဂျာ လက်မောင်းတွင် ဒဏ်ရာရရှိခဲ့သည်။ ကျန်ရစ်ခဲ့သော သဲလွန်စများအရ လွတ်မြောက်သွားသူမှာ ဒလင်ဂျာ မဟုတ်ဘဲ နောင်တွင် ဒလင်ဂျာကဲ့သို့ပင် Public Enemy နံအပတ် ၁ တဦး ဖြစ်လာမည့် Baby Face Nelson ဆိုသူမှန်း သိလိုက်ရသည်။ ဝင်ရောက်ဖမ်းဆီးမှုတွင် ဒလင်ဂျာ လွတ်မြောက်သွားခဲ့သော်လည်း နောက်ထပ် ခြေရာခံ၍ ဖမ်းဆီးရမိသော ဂိုဏ်းသားတဦး၏ မသေခင် ဖြောင့်ချက်အရ ဒလင်ဂျာတို့မှာ ဘိုဟေးမီးယန်း အပန်းဖြေ ရွာငယ်လေးတွင် ခိုလှုံနေကြောင်း သတင်းရရှိသည်။ FBI စုံထောက်များက ဒလင်ဂျာရှိ မည်ထင်သော နေရာသို့ ကားမီးများမှိတ်၍ တရွေ့ရွေ့လာစဉ် ဆီးကြိုပစ်ခတ်ခံရသဖြင့် စုံထောက်များမှာ အသက်လုပြေးရပြန်သည်။ ဘိုဟေးမီးယန်းရွာ ညတိုက်ပွဲတွင် နှစ်ဖက်စလုံးမှ ပစ်ခတ်မှုများကြောင့် အရပ်သားများနှင့် စုံထောက်အချို့ပါ သေဆုံးခဲ့ကြသော်လည်း လယ်သမားတဦး၏ ကားကို ခိုး၍ ထွက်ပြေးသွားသော ဒလင်ဂျာတို့အဖွဲ့တွင်မူ ဟာမီလ်တန်သာ ဒဏ်ရာရရှိခဲ့သည်။ (ဟာမီလ်တန်လည်း နောက်တနေ့တွင် ထို သေနတ်ဒဏ်ကြောင့်ပင် သေဆုံးခဲ့သည်)။ Baby Face Nelson က ထွက်အပြေးတွင် ပြန်လှန်ပစ်ခတ်မှုကြောင့် စုံထောက်တဦး သေဆုံးခဲ့သည်။ နယ်(လ)ဆင်နှင့် ဗန်မီတာတို့မှာ FBI ကားကိုပင် ပြန်ပေးဆွဲပြီး ထွက်ပြေးသွားခဲ့သည်။ လွတ်မြောက်သွားသော ဒလင်ဂျာမှာ သူ၏ မြာဖြစ်သူ ဖရန့်ချက်နှင့် တွေ့နိုင်ရန် စီစဉ်သလို တဖက်တွင်လည်း စုံထောက်တို့က ဖမ်းဆီးထားသော ဖရန့်ချက်အား တွေ့ဆုံ၍ ဒလင်ဂျာရှိသည့် နေရာကို ထုတ်ဖော်ပြောကြားရန် စစ်မေးလေသည်။ ယခင်လို ပေါ်ပေါ်ထင်ထင် မနေရဲတော့သည့် ဒလင်ဂျာကမူ အယ်ဗင်၏ ဘေကာဂိုဏ်းနှင့် တိုင်ပင်ပြီး မီးရထားတွဲကို အပိုင်စီးရန်ပင် စီစဉ်လိုက်သေးသည်။ ဒလင်ဂျာနှင့်ပတ်သက်သည့် သဲလွန်စကို အမေရိကန်တွင် ပြည့်တန်ဆာအဖြစ် သက်မွေးဝမ်းကျောင်း ပြုနေသည့် ရိုမေးနီးယားသူ အန်နာက FBI သို့ သတင်းပို့လိုက်သည်။ အမေရိကန်သို့ ခိုးဝင်လာသော အန်နာမှာ ရိုမေးနီးယားသို့ ပြန်ပို့ခံရမည့်အရေးကို ရှောင်လွှဲလိုသဖြင့် FBI စုံထောက်များနှင့် အပေးအယူတခု ပြုလုပ်လေသည်။ ဒလင်ဂျာ ရှိသော နေရာကို သူမ သိသည်။ “အကယ်၍ သူ့ကို ပြည်နှင်ဒဏ် မပေးပါက ဒလင်ဂျာကို ဖမ်းဆီးနိုင်မှုတွင် ကူညီမည်ဟု ပြောသည်။ FBI စုံထောက်များနှင့် အန်နာ ဈေးညှိပြီးနောက်တွင် ဒလင်ဂျာနှင့် သူ ယခုလက်ရှိ တွဲနေသည့် အန်နာ့သူငယ်ချင်း ပိုလ်လီဟာလ်မီတန်ဆိုသည့် အပျော်မယ်နှင့် ချီကာဂိုတွင် ရုပ်ရှင်သွားကြည့်ရန် အစီအစဉ်ရှိသည်ဟု သတင်းပေးလိုက်သည်။ အန်နာက ဒလင်ဂျာအနေဖြင့် မည်သည့်ရုံတွင် သွားကြည့်မည်ဟု အတ်ိအကျ မသိသော်လည်း နောက်တနေ့တွင် သွားမည်ဖြစ်သဖြင့် ဇူလိုင်လ ၂၁ ရက်နေ့တွင် သတင်းထပ်မံပေးပြန်သည်။ ရဲအရာရှိပေါင်းများစွာအပြင် FBI ထိပ်တန်းစုံထောက်ပေါင်းများစွာ အသက်စွန့်၍ ဖမ်းသော်လည်း ဒလင်ဂျာ၏ အရိပ်ပင် မမြင်လိုက်ရသဖြင့် အန်နာ၏ ဒလင်ဂျာလို ထိပ်တန်းလူဆိုးတဦးကို ရုပ်ရှင်လာကြည့်ချိန်တွင် ကြက်ကလေး၊ ငှက်ကလေးဖမ်းသလို ဖမ်းဆီးရနိုင်မည့် စီမံကိန်းမှာလည်း ဝါရင့်စုံထောက်များအတွက် ယုံရခက်ကြီး ဖြစ်နေသည်။ နောက်ဆုံးတွင် ဇူလိုင်လ ၂၂ ရက်နေ့ ညနေတွင် အန်နာ၏ နောက်ဆုံးသတင်းပေးပို့ချက် ဖြစ်သည့် ဒလင်ဂျာနှင့် ဟာမီလ်တန် အပါအဝင် သူမပါ မာလ်ဘိုရို ရုပ်ရှင်ရုံ (သို့မဟုတ်) ဘိုင်အိုဂရဖ်ရုံတွင် ထိုညပွဲကို သေချာပေါက် ကြည့်ရှုမည်ဟု သတင်းပေးလိုက်သည်။ FBI ညွှန်ကြားရေးမှူး အက်ဂါဟူးဗားကမူ ဒလင်ဂျာကို ဖြစ်နိုင်လျှင် အရှင်ဖမ်းမိနိုင်အောင် စုံထောက်များအား လမ်းညွှန်မှုပေးပြီး ဒလင်ဂျာဖြစ်ကြောင်း သေချာလျှင်မူ လုံးဝ လွတ်ထွက်မသွားစေနှင့်ဟု အမိန့်ပေးခဲ့သည်။ အန်နာ၏ နောက်ဆုံးဖုန်းသတင်း ဝင်ချိန်မှစ၍ ချီကာဂိုတမြို့လုံးရှိ စုံထောက်များမှာ ထိုရုပ်ရှင်ရုံနှစ်ရုံအနီးတွင် အသင့်စောင့်ဆိုင်းနေကြသည်။ ဒလင်ဂျာနှင့်အတူ ရုပ်ရှင်ကြည့်မည့် အန်နာက သူမသည် အနီရောင်ဝမ်းဆက်ကို ဝတ်ဆင်၍ ဒလင်ဂျာနှင့် အတူလာရောက်မည်ဖြစ်ကြောင်း စုံထောက် မယ်(လ)ဗင်ပါဗစ်ကို ထင်ရှား၍ မြင်လွယ်သော အမှတ်သင်္ကေတ ပြုခဲ့သည်။ နောက်ဆုံး အနှစ်ချုပ်လိုက်သော် စုံထောက်များနှင့် အပေးအယူပြုပြီး သူမကို ရိုမေနီးယန်း ပြန်မပို့ရန် တောင်းဆိုခဲ့သည့် ပြည့်တန်ဆာ အန်နာမှာလည်း ၁၉၃၆ ခုနှစ်တွင် ရိုမေနီးယန်းသို့ ပြန်ပို့ခံခဲ့ရသည်။ ဒလင်ဂျာကို ဖမ်းမိနိုင်ရန်အတွက် ဘိုင်အိုဂရဖ်ရုံတွင် အနီရောင် ဝတ်စုံဝတ်ဆင်၍ ထိုအချိန်က နာမည်ကျော် မင်းသား ကလပ်ဂေဘယ်၏ Manhattan Melodrama ဇာတ်ကားကို ကြည့်ရှုခဲ့သည် အန်နာကို အမေရိကန် သတင်းစာများက Lady in Red ဟု ခေါင်းစဉ်တပ် ရေးသားကြကုန်သည်။ ဒလင်ဂျာကို ပထမဦဆုံးအကြိမ် ထောင်ဖောက်ကယ်ခဲ့သည့် ပီယာပွန့်တို့ လူစုမှာလည်း သေမိန့်ကျခဲ့သည်။ Baby Face Nelson မှာမူ ဒလင်ဂျာ သေပြီးနောက် တနေ့တွင် ဒလင်ဂျာ နေရာကို ဆက်ခံ၍ Public Enemies Number 1 ဖြစ်လာခဲ့သည်။ ဒါရိုက်တာ မိုက်ကယ်မန်း၏ Public Enemies ဇာတ်ကားမှာ ရွှေပွဲလာများ ရှုမညီးရအောင် တင်ဆက်ထားသော်လည်း လူဆိုးကြီး ဒလင်ဂျာ၏ တကယ့် ဘဝနှင့် အတော်ပင် ကွဲလွဲသည်ဟု ဆိုသည်။ ဒလင်ဂျာနှင့် သူ၏ ချစ်သူ ဖရန့်ချက်တို့ တွေ့ဆုံပုံမှာလည်း တကယ့်ဖြစ်ရပ်မှန်တွင် ရုပ်ရှင်ထဲကလိုမျိုး မဟုတ်ဟု ဆိုသည်။ FBI စုံထောက်အဖြစ် သရုပ်ဆောင်သည့် ခရစ်တီးယန်းဘေးမှာ ဒလင်ဂျာအဖြစ် သရုပ်ဆောင်သည့် ဂျွန်နီဒပ်နှင့် ယှဉ်လိုက်လျှင် သရုပ်ဆောင်မှုအစွမ်း နည်းနည်းလိုသေးသည်ဟု သုံးသပ်ကြသည်။ ဒလက်ဂျာ၏ ချစ်သူ အီဗလင်ဖရန့်ချက်အဖြစ် မာရီယွန် ကော့တီလဒ်က သရုပ်ဆောင်သည်။ Baby Face Nelson အဖြစ် စတီဖင် ဂရေဟမ်က သရုပ်ဆောင်သည်။ FBI ၏ ပထမဆုံး ညွှန်ကြားရေးမှူးအဖြစ် အက်ဂါ ဟူးဗားအဖြစ် ဘီလီ ခရပ်ဒပ်က သရုပ်ဆောင်သည်။ ဟိုမား ဗန်မီတာအဖြစ် စတီဖင် ဒေါဖ်က သရုပ်ဆောင်သည်။ မြေအောက် ဒုစရိုက်လောကတွင် ပြောစမှတ်တွင်ကျန်အောင် ဆိုးသွမ်းခဲ့သည့် ဒလင်ဂျာ သေဆုံးပြီး နောက်ပိုင်းတွင် သူ့ဘဝဇာတ်ကြောင်းကို စာအုပ်အဖြစ် ထုတ်ဝေရာ ရောင်းမလောက်ဖြစ်ခဲ့သည်။ ရုပ်ရှင်အဖြစ်လည်း အကြိမ်ကြိမ် ရိုက်ကူးခဲ့ကြသည်။ ယခု ရုံတင်ပြသနေသည့် Public Enemies ဇာတ်ကားမှာ စာရေးဆရာ ဘရိုင်ယန် ဘောရိုး ရေးသားသည့် Public Enemies : American Greatest Crime Wave and The Birth of FBI 1933 - 43 စာအုပ်ကို မှီငြမ်းရိုက်ကူးထားခြင်းဖြစ်သည်။ ၁၉၂၉ အမေရိကန် စီးပွားရေး မျက်ဖြူဆိုက်ကာလတွင် ပေါ်ပေါက်ခဲ့သော ထိပ်တန်း ရာဇဝတ်မှု ကျူးလွန်သူများအကြောင်းကို ယခုတဖန် ခေတ်သစ် စီးပွားပျက်ကာလတွင် ရိုက်ကူးပြသဖြင့် ဆင်ခြင်စရာနှင့် သံဝေဂယူစရာ ကောင်းသည်ဟု အမေရိကန် အမျိုးသားတို့က ဆိုသည်။ ဒလင်ဂျာမှာ တဖက်တွင် နာမည်ဆိုးသော်လည်း သူ့ကြောင့် ထိုအချိန်က အမေရိကန်တို့က ဘဏ်တွင် ငွေမအပ်ရဲတော့ဘဲ ရင်းနှီးလုပ်ကိုင်စားသောက်သဖြင့် စီးပွားရေး ပြန်လည်နာလန်ထူလာနိုင်သည်ဟု ဆိုသည်။

Daw Suu thusitna tawh kisai in, Myanmah ALin thukan te cih loh kuamah lutsak lo!

ဒေါ်စုအမှု တရားခွင်သို့ မြန်မာ့အလင်းသာ ဝင်ရောက်ခွင့်ရ

တနင်္လာနေ့၊ ဂျူလိုင်လ 27 ရက် 2009 ခုနှစ် 21 နာရီ 51 မိနစ်

နယူးဒေလီ (မဇ္ဈိမ)။ ။ ဒေါ်အောင်ဆန်းစုကြည် အမှုအတွက် အပြီးသတ် လျှောက်လဲသည့် ဒုတိယမြောက် ယနေ့ တရားခွင်သို့ မြန်မာစစ်အစိုးရ ထိန်းချုပ်ထားသည့် သတင်းဌာနတခုဖြစ်သည့် မြန်မာ့အလင်း သတင်းစာမှ သတင်းထောက်များမှအပ ပုဂ္ဂလိက စာနယ်ဇင်းသမားများ တက်ရောက်ခွင့် မရခဲ့ကြောင်း သိရသည်။ အင်းစိန်ထောင်တွင်း တရားခွင်သို့ ယခင်အပတ် သောကြာနေ့က လာရောက်ခွင့် ရရှိခဲ့သည့် သံရုံး ၅ ရုံး မပါဝင်ဘဲ ကျန်သည့် သံရုံးအချို့မှ သံတမန်များ တက်ရောက်ခွင့်ရခဲ့ပြီး၊ မြန်မာစစ်အစိုးရ၏ သတင်းဌာန မြန်မာ့အလင်းကိုသာ တက်ရောက်ခွင့် ပြုခဲ့ခြင်း ဖြစ်သည်။ ယနေ့ နံနက် ၁၀ နာရီမှ ညနေ ၅ နာရီအထိ လျှောက်လဲချက်ပေးရာ ဒေါ်အောင်ဆန်းစုကြည်၏ အမှုတွဲမှ ဒေါ်ခင်ခင်ဝင်း၊ ဒေါ်ဝင်းမမနှင့် မစ္စတာယက်တောတို့ ၃ ဦးအတွက် လျှောက်လဲချက် တင်သွင်းရာ ပြီးပြတ်ခြင်း မရှိသဖြင့် မနက်ဖြန်သို့ ထပ်မံ၍ ရုံးချိန်းခဲ့သည်။ “ဒီနေ့မနက် ၁၀ နာရီမှာ ရုံးစပြီးထိုင်ပါတယ်။ စထိုင်ထိုင်ချင်းကို ဒေါ်ခင်ခင်ဝင်းနဲ့ ဒေါ်ဝင်းမမတို့ရဲ့ ရှေ့နေအတွက် ဦးလှမျိုးမြင့်က လျှောက်လဲချက်ပေးပါတယ်။ အဲဒါပြီးတော့ မစ္စတာယက်တောရဲ့ ရှေ့နေ ဦးခင်မောင်ဦး လျှောက်လဲချက်ပေးပါတယ်။ အဲဒီ ၂ ယောက်ပြီးတော့ ခေတ္တ Break လုပ် တယ်” ဟု ဒေါ်အောင်ဆန်းစုကြည်၏ ရှေ့နေ ဦးဉာဏ်ဝင်းက မဇ္ဈိမကို ပြောသည်။ သူက ဆက်ပြီး “တနာရီက ပြန်စတယ်။ ပြန်စတော့ အစိုးရရှေ့နေက လျှောက်လဲချက်ပေးတယ်။ အဲဒါ ရုံးနားတဲ့ အချိန် ညနေ ၅ နာရီအထိပဲ။ ၅ နာရီမှာ အစိုးရှေ့နေပြီးသွားတော့ တရားရုံးက မနက်ဖြန် ၁ဝ နာရီကို ဆက်ချိန်းတယ်။ မနက်ဖြန် ၁ဝ နာရီမှာ ကျန်တဲ့လျှောက်လဲချက်တွေ ဆက်ပေးရဦးမယ်” ဟု ပြောသည်။ သူတို့ လျှောက်လဲခွင့် ရသည့်အချိန်သည် အစိုးရရှေ့နေ ဦးမြင့်ကြိုင်အတွက် ရရှိသည့် အချိန်ထက် နည်းခဲ့သည်ဟု ဦးဉာဏ်ဝင်းက ဆိုသည်။ အစိုးရရှေ့နေက ဒေါ်စုသည် စည်းကမ်းဖောက်ဖျက်သဖြင့် ပြစ်မှုကျူးလွန်ကြောင်းနှင့် ၁၉၇၄ ခု အခြေခံဥပဒေသည် အသက်ရှိသေးသဖြင့် ယခုကဲ့သို့ အမှုစွဲဆိုခြင်းသည် တရားဝင်ကြောင်း လျှောက်ခဲ့သည်။ ယခုလ ၁၀ ရက်နေ့က ဒေါ်အောင်ဆန်းစုကြည်၏ သက်သေတဦးဖြစ်သူ ဒေါ်ခင်မိုးမိုးက ၁၉၇၄ ခု ဖွဲ့စည်းပုံ အခြေခံဥပဒေသည် အာဏာသက်ရောက်မှု မရှိတော့သဖြင့် ဤ ၁၉၇၄ ဖွဲ့စည်းပုံအရ ပြဋ္ဌာန်းထားသော ဥပဒေဖြင့် တရားစွဲဆိုခြင်း မပြုနိုင်ကြောင်း ခုခံချေပထွက်ဆိုခဲ့သည်။ ယခုလ ၂၃ ရက် မြန်မာ့အလင်း သတင်းစာတွင် ဒေါ်စုအား ပြစ်မှုကျူးလွန်သဖြင့် ဖမ်းဆီးခြင်းဖြစ်ကြောင်း ရေးသား ဖော်ပြထားခြင်းသည် တရားရုံး ဂုဏ်သိက္ခာအား “ကျဆင်း” စေသည်ဟု တရားရုံးသို့ ယနေ့ လျှောက်လဲခဲ့ကြောင်း ဦးဉာဏ်ဝင်းက ပြောသည်။ “ပြစ်မှုကျူးလွန်ခြင်း ရှိ၊ မရှိ တရားရုံးက မဆုံးဖြတ်ရသေးဘူး။ ဒီအခြေအနေမှာ သူတို့ ဒီလို ရေးတာနဲ့ ပတ်သက်ပြီးတော့ ကျနော်တို့ တရားရုံးကို လျှောက်တယ်။ (၁) တရားရုံးရဲ့ ဂုဏ်သိက္ခာကို ကျဆင်းစေတယ်။ (၂) တရားရုံးကို လွှမ်းမိုးချင်တဲ့ သဘောဖြစ်တယ်။ (၃) ဒေါ်အောင်ဆန်းစုကြည်က တရားရုံးရဲ့ အကာအကွယ်ကို မရဘူးဖြစ်နေတယ်လို့ ကျနော်တို့ လျှောက်ပါတယ်” ဟု သူက ပြောသည်။ ၂၃ ရက်ထုတ် မြန်မာ့အလင်းသတင်းစာ၌ ဒေါ်အောင်ဆန်းစုကြည်သည် ဒီမိုကရေစီအရေး ဆောင်ရွက်သောကြောင့် “နိုင်ငံရေးပြစ်မှု” ဖြင့် အရေးယူခံရခြင်း မဟုတ်ဘဲ “တည်ဆဲဥပဒေတရပ်” အား “ဖောက်ဖျက်ကျူးလွန်” သောကြောင့် တရားရင်ဆိုင်နေရသူ ဖြစ်သည်ဟု ဖော်ပြထားသည်။ အဆိုပါ လျှောက်လဲချက်အတွက် တရားရုံးက ယနေ့ မည်သို့မျှ တုံ့ပြန်ခြင်း မရှိကြောင်း သိရသည်။ မနက်ဖြန်တွင် ဒေါ်အောင်ဆန်းစုကြည်၏ ရှေ့နေများက အစိုးရရှေ့နေ၏ လျှောက်လဲချက်များနှင့် ပတ်သက်ပြီး ပြန်လည်ရှင်းလင်းချေပမည်ဖြစ်သည်။ မစ္စတာယက်တော ရင်ဆိုင်နေရသည့် စည်ပင်ယာသာဥပဒေနှင့် လူဝင်မှု ကြီးကြပ်ရေး ဥပဒေတို့ဖြင့် စွဲချက်တင်ထားမှုအတွက် ၎င်း၏ ရှေ့နေကလည်း လျှောက်လဲဦးမည်ဖြစ်သည်။

American Foreign Affair Ministry Mrs Clinton Hilary in ASEAN gam te in, kawnggakna kipan ding cih Galkap kumpi thusuahna ah gen!!

အမေရိကန်က အာဆီယံကို ခါးပိုက်ထဲထည့်ရန် ကြိုးပမ်းဟု နအဖ သတင်းစာပြော

Monday, 27 July 2009 18:17

အမေရိကန် နိုင်ငံခြားရေး ၀န်ကြီး မစ္စ ဟီလာရီ ကလင်တန်က အာဆီယံ နိုင်ငံများအနေဖြင့် မြန်မာပြည် ဒီမိုကရေစီ တိုးတက်ရေးအတွက် ပိုမိုဖိအားပေးရန် တိုက်တွန်း ပြောကြားလိုက် ခြင်းသည် ၎င်းတို့၏ ခါးပိုက်ထဲထည့်ရန် အစပျိုးခြင်းဖြစ်နိုင်ကြောင်း အစိုးရ သတင်းစာတွင် ဖော်ပြထားသည်။

ဖူးကက်ကျွန်းတွင် ကျင်းပသည့် အာဆီယံ အစည်းအဝေးတွင် တွေ့ရသော မစ္စ ဟီလာရီ ကလင်တန် (ဓာတ်ပုံ - AFP)

ထိုင်းနိုင်ငံ ဖူးကက်ကျွန်း တနေရာတွင် ကျင်းပခဲ့သည့် အာဆီယံ အစည်းအဝေး၌ မစ္စ ဟီလာရီ ကလင်တန်က မြန်မာ စစ်အစိုးရ အနေနှင့် ဒေါ်အောင်ဆန်း စုကြည်ကို လွှတ်မပေးခဲ့လျင် အာဆီယံ အနေဖြင့် သင့်လျှော်သည့် ပေါ်လစီ အပြောင်းအလဲ လုပ်သင့်ကြောင်း ပြောကြားခဲ့ခြင်း ဖြစ်သည်။

“အမေရိကန် နိုင်ငံခြားရေးဝန်ကြီး ပြောသလိုသာ လိုက်နာ လုပ်ဆောင်မယ် ဆိုရင် အာဆီယံဟာ အမေရိကန်ရဲ့ သြဇာခံ အနေအထားကို ရောက်သွားပါလိမ့်မယ်။ ဒါဟာ အာဆီယံကို သွေးတိုးစမ်းတာ ဖြစ်သလို သူတို့ခါးပိုက်ထဲ ထည့်ဖို့ အစပျိုးလာ တာလည်း ဖြစ်နိုင်ပါတယ်”ဟု ယမန်နေ့ထုတ် မြန်မာ့အလင်း သတင်းစာတွင် ရေးသားထားသည်။

ယင်းသို့ မစ္စ ဟီလာရီက အာဆီယံကို မြန်မာနိုင်ငံအား ဖိအားပိုမိုပေးရန် ပြောကြားခြင်းသည် အာဆီယံ၏ အတွင်းရေးကို ၀င်ရောက် စွက်ဖက်ရာ ရောက်သည်ဟုလည်း သတင်းစာက ဖော်ပြသည်။

မြန်မာနိုင်ငံမှ ၀ါရင့်နိုင်ငံရေးသမားတဦးဖြစ်သည့် သခင်ချန်ထွန်းကမူ ယခုကဲ့သို့ သတင်းစာ၏ဖော်ပြချက်သည် မြန်မာပြည် သူပြည်သားများအတွက် ရလဒ်ကောင်းများ ရလာမည်မဟုတ်ကြောင်း ဧရာဝတီသို့ ပြောသည်။

“အမေရိကန် အနေနဲ့ အရေးယူ ပိတ်ဆို့မှုတွေကို ပိုပြီးလုပ်လာနိုင်ဖွယ်ရှိတယ်၊ တကယ်တော့ မြန်မာနိုင်ငံဟာ နိုင်ငံ အသေးလေးဖြစ်တယ်၊ ဒါကြောင့် စစ်အစိုးရ အနေနဲ့ အခြားနိုင်ငံတွေနဲ့ အဆင်ပြေပြေ ဆက်ဆံနိုင်ဖို့ ကြိုးစားရမယ့် အချိန်ဖြစ်တယ်”ဟု သခင်ချန် ထွန်းက ဆိုသည်။

ထို့အပြင် ဟီလာရီ ကလင်တန်က စစ်အစိုးရအနေနှင့် ဒေါ်အောင်ဆန်းစုကြည်ကို လွှတ်ပေးပါက မြန်မာနိုင်ငံနှင့် ဆက်ဆံ ရေး တိုးချဲ့မည်ဟု ပြောကြားခဲ့သည်။

“သူ့ကိုသာ လွှတ်ပေးလိုက်ရင် အခွင့်အလမ်းတွေ အများကြီးပွင့်လာမှာ ဖြစ်ပါတယ်။ ကျမတို့ နိုင်ငံကလည်း မြန်မာပြည်မှာ ရင်းနှီး မြှုပ်နှံတာမျိုး အပြင် မြန်မာပြည်နဲ့ဆက်ဆံရေးကို တိုးချဲ့ပေးမှာ ဖြစ်ပါတယ်”ဟု အာဆီယံဒေသတွင်း အစည်းအဝေး သို့ ရောက်ရှိစဉ် ဟီလာရီ ကလင်တန်က ပြောသည်။

ထိုင်းနိုင်ငံ ဖူးကက်မြို့တွင် ပြုလုပ်သည့် အာဆီယံ နှင့် ဆွေးနွေးဖက် နိုင်ငံများ အစည်းအဝေး (ARF) တွင် မြန်မာ့အရေးကို ဦးစားပေး ဆွေးနွေးခဲ့ကြပြီး ဒေါ်အောင်ဆန်းစုကြည်အား လွှတ်ပေးရန် စစ်အစိုးရကို တိုက်တွန်းခဲ့ကြသည်။

၎င်း အစည်းအဝေးတွင် ဟီလာရီ ကလင်တန် အပါအဝင် နိုင်ငံပေါင်း ၂၆ နိုင်ငံမှ အစိုးရ ကိုယ်စားလှယ်များတက် ရောက်ခဲ့ ကြောင်း သိရသည်။

“ကျမတို့ဟာ ကာကွယ်ရေး(Defense) ၊ သံတမန်ရေး(Deplomacy) နဲ့ ဖွံ့ဖြိုးတိုးတက်ရေး(Development) ဆိုတဲ့ three D’s အပေါ်မှာ အာရုံစိုက်ဖို့ လိုအပ်ပါတယ်”ဟု မစ္စ ဟီလာရီ ကလင်တန်က သူနိုင်ငံခြားရေးဝန်ကြီး တာဝန် မထမ်းဆောင် ခင် သူ၏ နိုင်ငံခြားရေး မူဝါဒကို အမေရိကန် အထက် လွှတ်တော်တွင် ပြောကြားခဲ့ဖူးသည်။

Malaysia gam Ulian in, kawlgam mi nasem te azuak nahangin, kimanh !

မြန်မာအလုပ်သမားများကို ရောင်းစားသည့် မလေးရှား အရာရှိ တရားစွဲခံရ

Monday, 27 July 2009 18:43
မလေးရှားနိုင်ငံ လူဝင်မှုကြီးကြပ်ရေး (လ၀က) ထိန်းသိမ်းရေး စခန်းရှိ မြန်မာရွှေ့ပြောင်း အလုပ်သမားများအား ထိုင်းနယ်စပ်ရှိ လူကုန်ကူးသူများထံသို့ ရောင်းစားခဲ့သည့် မလေးရှား အရာရှိတဦးကို သက်ဆိုင်ရာ အာဏာပိုင်များက တရားစွဲဆို လိုက်ကြောင်း အေပီ သတင်းတွင် ဖော်ပြထားသည်။

မလေးရှားနိုင်ငံ တောင်ပိုင်း ဂျဟိုး ပြည်နယ် လ၀က အရာရှိ Rahman Selamat သည် ယခုအခါ လူကုန်ကူးမှုနှင့် ပတ်သက်၍ တရားရုံးတွင် တရားရင်ဆိုင်ရမည် ဖြစ်သည်ဟု သူ၏ ရှေ့နေဖြစ်သူ Wan Mohamad Fadzil Maamor ၏ပြောကြားချက်ကိုလည်း ယင်းသတင်းက ကိုးကား ရေးသားထားသည်။

မြောက်ပိုင်း Kelantan ပြည်နယ်တရားရုံးက Rahman ၏ အာမခံကို ငြင်းပယ်ခဲ့ပြီး ၎င်းအနေဖြင့် အပြစ်ရှိကြောင်း စစ်ဆေးတွေ့ရှိရပါက ထောင်ဒဏ် ၁၅နှစ် အထိ ကျခံရဖွယ် ရှိကြောင်းသိရသည်။

ယင်းအမှုကိုသြဂုတ်၂၅နေ့အထိ ရွှေ့ဆိုင်းထားပြီး အသေးစိတ်ကိုမှု မသိရှိရသေးကြောင်း သတင်းတွင် ပါရှိသည်။

ဇူလိုင်လ ၁၇ ရက်နေ့က တခြားသော လ၀က အရာရှိ ၄ ဦးနှင့်အတူ မြန်မာအလုပ်သမားများကို သယ်ယူ ပို့ ဆောင်ပေးခဲ့သော ကားသမား ၄ ဦးတို့ကိုလည်း Rahman နှင့်အတူ ဖမ်းဆီးထိန်းသိမ်းထားကြောင်း သိရသည်။

မလေးရှားနိုင်ငံတွင် ဖမ်းဆီးထိန်းသိမ်းခံနေရသော တရားမ၀င် မြန်မာရွှေ့ပြောင်းအလုပ်သမားများကို လဝက အရာရှိများသည် ထိုင်းနယ်စပ်ရှိ လူကုန်ကူးသူများထံသို့ တဦးလျှင် မလေးရှား ရင်းဂစ် ၆၀၀ ကျော်ဖြင့် ရောင်းချ လေ့ရှိကြောင်း ရဲတပ်ဖွဲ့က ပြောကြားကြောင်း အေပီ သတင်းတွင် ဖော်ပြထားသည်။

လူကုန်ကူးသူများက ယင်း မြန်မာအလုပ်သမားများကို ထိုင်းနိုင်ငံသို့ ပို့ဆောင်ကာ တဦးလျှင် မလေးရှား ရင်းဂစ် ၂၀၀၀ ပေးမည်ဆိုလျှင် လွတ်လပ်ခွင့် ပေးမည်ဖြစ်ကြောင်း သိရသည်။

မလေးရှားနိုင်ငံမှ ထိုင်းနိုင်ငံသို့ ရောက်လာသော မြန်မာများသည် အဆိုပါသတ်မှတ်ထားသော ငွေကြေးမပေးနိုင် ပါ က လိင်ဖြေဖျော်ရေး လုပ်ငန်းများ၊ စားသောက်ဆိုင်များနှင့် ငါးဖမ်းစက်လှေများတွင် ၀င်ရောက်လုပ်ကိုင်ရန် ဖိအားပေးခြင်း ခံရသည်ဟု အမေရိကန် အထက်လွတ်တော် နိုင်ငံခြား ဆက်ဆံရေး ကော်မတီ က ဧပြီလတွင် ထုတ်ပြန်ခဲ့သော အစီရင်ခံစာတွင် ဖော်ပြထားသည်။

မလေးရှားနိုင်ငံအခြေစိုက် မြန်မာ အလုပ်သမားအခွင့်အရေး ကာကွယ်စောင့်ရှောက်ရေး ကော်မတီ (BWRPC) ၏ စာရင်း ပြုစုထားချက်အရ အလုပ်သမားတဦးလျှင် မလေးရှားငွေ ၂၅၀၀ မှ ၂၈၀၀ အထိ လူကုန်ကူးသူများကို ပေးရပြီး လူကုန်ကူးခံရသူ စုစုပေါင်း ၃၀၀ ခန့် ရှိကြောင်း သိရသည်။

ယင်းရွှေ့ပြောင်းမြန်မာ အလုပ်သမားများသည် မည့်သည့် တိုင်းရင်းသားများဖြစ်သည်ကို ပြောဆိုခြင်းမရှိသော် လည်း မလေးရှားနိုင်ငံအတွင်းသို့ တရားမ၀င်ဝင်ရောက် ကြသူအများစုမှာ ရိုဟင်ဂျာများ ဖြစ်ကြောင်းသိရသည်။

လူကုန်ကူးမှုတွင် ပါဝင်ပတ်သက်ခဲ့သည့် တခြားသော အရာရှိများနှင့် ကားသမားများအား အရေးယူ ဆောင်ရွက် ရေးကိုမှု ယခုချိန်ထိ ရှင်းရှင်းလင်းလင်း မသိရှိ ရသေးပေ။

မကြာသေးမီက Kajang ပြည်နယ် Semenyih လ ဝ က အချုပ်ခန်းတွင် ဆန္ဒပြခဲ့သော အထိန်းသိမ်းခံ မြန်မာ အလုပ်သမား ၅၉၈ ဦးကို ယခုအခါ KLIA(Kuala Lumpur International Airport) အကျဉ်းစခန်းသို့ ပြောင်းရွှေ့ လိုက်ပြီဖြစ်သည်။

မလေးရှားနိုင်ငံ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးတွင် တရားဝင်မှတ်ပုံတင်ထားသော ဒုက္ခသည် အရေအတွက်မှာ ၄၈၀၀ ခန့်ရှိပြီး အများစုမှာ မြန်မာနိုင်ငံသားများ ဖြစ်ကြောင်းသိရသည်။

သို့သော်လည်း လူထုနှင့် ထိစပ်လုပ်ကိုင်နေသော အဖွဲ့အစည်းမှ ခေါင်းဆောင်များက မလေးရှားနိုင်ငံရှိ မြန်မာ ဒုက္ခသည်များသည် ယင်းအရေအတွက်ထက် နှစ်ဆခန့် ပိုသည်ဟုဆိုသည်။

ဆင်းရဲသည့် အာရှနိုင်ငံများမှ အလုပ်သမား အများအပြား မလေးရှားနိုင်ငံတွင် သွားရောက် အလုပ် လုပ်ကိုင် လျက်ရှိရာ ထိုအထဲတွင် မြန်မာပြည်သား ၅ သိန်းခန့် ရှိမည်ဟု ခန့်မှန်းကြသည်။

မလေးရှားသို့ နယ်စပ်မှ တရားမဝင် ဝင်ရောက်ပြီး အလုပ် ရှာဖွေသူများ ရှိသကဲ့သို့ အလုပ်သမား အေဂျင်စီများ နှင့် ဆက်သွယ် ပြီး တရားဝင် သွားရောက်သူများလည်း ရှိနေသည်။