Yangon a kawl te Tuibuaih pawi leh Dr Dal Lian laibu gelh te:

Kawl gam ah kawlte pawi thupi mahmah ahi Tuibuaih pawi tawh kisai tukum 2009 kumpen abeisa kum dang te tawh kibanglo dingin, kumpi ten avaihawm dan khat hinapi-in, thupi taka, zang theilo dingin, electric meei pen nai 24 sungpan nai 6 sung bek pia in, tuazong khat vei ciang pia vetlo theilai ahih manin, kum dang sangin nopci theilo zaw hi. Amau pawi thupi mahmah nangawn hibanga bawl cileng, ei tapidaw thu um te pawi bawl ding pen hong khak tanh theih zahzah a, hong khak ding pen amau nasep hi mawk lo ding hiam cih tawh thu kong gen thak nuam hi.


Dr Dal Lian(Blue Star Academy Principal) Laibu gelh te
LAIBU GELH TE:

a. 1984-85 sungin “The Patriarchs and Prophets” kici laibu laimaai 722 a sah khat Tedim pau in tei khia. (Leitung pianciila kipan kumpi Solomon hun dong Pasian’ hu mopna tawh kigelh laibu hi)
b. 1990 kumin Ph.D thesis “Buddhism in Western India” min pia-in Kusumanjali Prakashan kici laikhetna neite’n laimaai 233 pha-in India gam leh leitung bupa zuak theih dingin laibu in bawl uh hi.
c. 1992 kumin laimaai 244 a sah Tedim Chin-English Dictionary kici laibu khat bawl khia hi.
d. 1994 kumin laimaai 248 a sah ZOMITE’ TAANGTHANGTHUTE kici taangthu bu khat bawlkhia hi. Peng Lam, Gaal Ngam, Thang Do, Lian Do, Neino, kicite thu om kim hi.
e. Laimai 480 a sak ENGLISH-ZOMI dictionary bawla, 2007 kum bulin hong khin hi.
f. Laibu hi lo, thugelh dangdang tampi bawl ngei a, magazine leh seminar khawngah kimu thei hi.