Zolai theih huai pawlkhat - I

Zolai theih huai pawlkhat - I

By Thelnah

Saturday, 10 October 2009

Zomi khat hihna tawh Zolai leh Zongeina thu ka kan zel hi. Laibu tuam-tuamte ka sim a, Upa leh Laipil pawlkhat zong ka hopih a, thu ka dong thei zel hi. Ka ngaihsutna ah om gige kha om a, tua thu thei nuam in ka kan kawi-kawi thei zel hi.  Zomite pen minam khat  ih hihna tawh,  Laipai (Literature),  Laikawi (Grammer),  Ngeina (Culture) leh Tawndan (Tradition) hoih mah-mah nei ih hih lam ka phawk phing hi. Athei hak, aphawk hak ka kisak leh kei bek hilo midang tampi zong na omtei lai hi.  Zolai kinei napi a theilo cih bang haivai mah-mah hi.  Zomi khat hihna tawh ih theih leh ih zat theih hamtang ding kisam hi.  Tuni ciang dong Zolai pen mitam pitak-in ih theih loh lai-lai pen lamdang sa ingh. A'ih hang ka lung ngaih kik-kik leh ahi thei lua nahi mawk hi. Tuni ciang in Lai sang'n Pau pen kilimh bawlzaw hileh kilawm sa ingh.  Lai  puah leng  pau gina kinei kim vek ding a, pau puah sawm tek leng  lai tampi pian lawh ding hi. Zomite hanciam in ih Lai neih uh khat pen puah khawm tek in zang khawm tek ni. Nang leh kei ah kinga hi. En zuun kei leng kuama'n hong puah hong zuun sak lo ding hi. Zomite lai ah theih tuak leh akizang siam mello kasak pawl khat hong tak lang nuam ingh. Zo Nambatte (Numbers) bem ................ 0               sawmkhat .................... 10 khat ................ 1               sawmnih ...................... 20 nih .................. 2               sawmnga ..................... 50 thum ............... 3               zakhat......................... 100 Ii .................... 4               zanga, ........................ 500 nga. ................ 5               tulkhat ........................ 1000 guk ................. 6               thenkhat...................... 10000 sagih ............... 7               sangkhat ..................... 100000 giat ................. 8               awnkhat...................... 1000000 kua ................. 9               makkhat ...................... 10000000   Zo Nambatte (Numbers) alom a simna khat ........................... 1 sawm ......................... 10 za.............................. 100 tul ............................. 1000 tulsawm ...................... 10,000 tulza .......................... 100,000 thenkhat ..................... 1000,000 thensawm.................... 10,000,000 thenza. ....................... 100,000,000 sangkhat ..................... 1000,000,000 sangsawm ................... 10,000,000,000 sangza ........................ 100,000,000,000 awnkhat ...................... 1000,000,000,000 awnsawm..................... 10,000,000,000,000 awnza ......................... 100,000,000,000,000 makkhat....................... 1000,000,000,000,000 Zo Kha minte (Months) Mikangte Kha min     Zo kha min January                    Theinosihkha February                   Tunkha March                       Dota April                          Dopi May                          Zingkha June                         Gamkha July                          Tangsihkha August                      Tangkha September                 Phalkha October                     Khuadokha November                   Nokha December                   Kaukha Zo Nipikal minte (Weeks) Sunday                      Nipi Monday                     Pizing Tuesday                    Pithai Wednesday                Nilai Thursday                   Laizing Friday                       Laithai Saturday                   Nino