BANGHANG I NAMTAWISANG A OM THEI LO

BANGHANG I NAMTAWISANG A OM THEI LOU!

By H. Zabiak

Wednesday, 06 May 2009

-H. Zabiak, Aizawl Laisiangthouah, “Diktatna in Nam atawisang” a ki chih lai in, ka lungsim ah i Nam tawisan in i om hia ? chihdotna liantak a om gige hi. Kangaihtuah zel a, Pathian in a tawisan Nam te zo a Mei a panglou in a Lu in pangua, kuamah Nam dang te englou in a tenna mun uah galmuang leh lungmuang tak inkhosa hiathiat ua, amau leh amau ki vaihawm in, nuamtak in om uhi. A gam unleng changkanna lampi naktak a tawn ahihmanin kim leh kiang a om ten nek zonnang bang, sum dawn nang bang a en lah in, kidelh huan ua, tua ziak mah in agamsung ah leng sum leh pai ana tam deuh in, sep nang bang leng ana kidaih deuhhi. Sep peih nak leh nek zon na a niam lua chih om lou a, sungkuan vaktheihnakhop ching vek hi chileng chikhial din ka kigingta khol kei hi. Achihleh, ei Zomi te’ tenna mun te bang dinmun ah a ding a le ? I lungsim leh ingaihtuahna te nasan leng galmuang nonlou, galmuanna in sap batlouh a hontaisan ta, nek zonna lah haksa deuh deuh, sum leh pai nei ten leng midang te’theih khak lau a aguk theipen a kem in, a neilou pen bang a lat ut, i gam inchangkanna lampi tot sang a kiakniam na lampi tawn zo, a mite lah kitoudelhsang a kisuk delh zo hileng kilawm… Juda saltang ten ‘Mi gam peuh ah bangchi’n Tangtawn Toupa’ late sa thei ding ka hiua?’ chi a Pathian ngai ngoih ngoih a aom bang ua Pathian ngai ngoihngoih igamsung ah bang zah tak i om dia ? Pathian ngaihna chang leng thei nailou,lungmuang tak a om hiat hiat lai i hih khak ding lauhuai hi. EiZomite’ ten tamna Burma gam en leng i mite’n haksatna tamtak tuak inlungmuanglou tak in khosa ua, Manipur en non leng mite’ nelhsiah, i hamphatnang om sun sun te nasan laksak a om in, a gam nei te’ khateh nen kia lel tangban hileng kilawm. Galmuanna pen hi a kigen Mizoram en non leng, i ten tam namun Sialkal tangdung bang khantouhna lam ah a kiim a khua te sang a anatuantual bik mah mah zel…a lampi bang ana se tuam se… kho kiim te gari khongzang a mi lou kuan ziahziah ta uh. Midang sang a tuantual zo i hih lam lengkiphawk khol lou zomah lai ihih khak ding bang lauhuai hi. I Namtawisang a a om theihlouh na ziak hi a ka theih tamlou gen khiak ut huai ka sahi. I NAM IT DANKIVEL NI : Ei Zomite a tangpi et in Nam it mah mah te i hi chi leng kichikhial lou ding hi. I Nami it dan te, i Nam a dia ikipiakna te, i Nama dia Martyr a sitate bang ka ngaihtuah chiang in thupi kasa mahmah hi. Himahleh,i Namitdan kivel thak ngai zek hi in ka thei hi. (a) SAMARI MIHOIHAPAT SINLAI (Luka 10:30-37) : A tomlam a gen in Samari mihoih in suamhattuak lamgei a panpihtu ding neilou a muh in bang Nam ahia, koi apat hong kipanahia chih lam a ngaihtuah masa kei. Himahleh, panpih a ngaihman in a hihtheihbangbang in a tha leh zung ban ah sum leh paai seng in suamhat tuakpa a panpihhi. Ei ten ahihleh atangpi in panpih ngai ngoih ngoih te nasan leng bang Nam a? ei mi hia ? i chi a, ei mi a hihkei leh panpih ding et in zong i en khol keihi. Hiai bang chiindan pen Jesu Khrist zui tute’ hihdin a kilawm kei a, i NamPathian in a hon tawisang ding bang a ahon tawisan theihlouhna ziak te lak akhat hingei din ka gingta tinten hi. (b) ESTHER APATSINLAI : Esther in Judate humbit a a om theih nang un naktak in pan la hi. Judatekiang ah ni 3 sun leh zan ann ngawl a thum ding in ngetna bawl a, huchimah bangin amah leh a nungak ten leng ann ngawl ding uh ahih dan Judate theisak hi. (Esther 4:16) Hiai apan sinlaipoimoh mahmah ahihleh, Namheutute/I Nam sung a Officer i neih te’ poimoh dan muh theih hi. Zingkal khatann ngawl a Pathian buan a thumna neih kia bang leng thil haksa mahmah ahi. Himahleh,Esther leh Juda ten ni 3 leh zan 3 hial ann ngawl a athum na uh i ngaihtuah leh a lungkham na uha nasat khiak dan kimu thei hi. I Namheutu te Namitna ziak a ann ngawl zen a Pathian buan bangzah i om dia chih bang honngaihtuah sak mahmah hi. Esther thupi mah mah na ahihleh, mipi te kia ann ngawldin a chi kei a, Amah leh a nungak ten leng ann ngawl ding uh ahihdan a gen inlungsim hon khoih mahmah hi. Huaiban ah, Esther kipumpiak na ziak a Juda tensuah tatna a hon ngah zoh un Namdang tampi Juda mi hong suak uh chih Esther 8:17 ah muhtheih hi. I kim i kianga Namdang om te eimi hi nuam in a hong kipe ut na u hiam? Ahihkeileh, I hih na lengmi dang te theih ding lau a, I pau leh ham te nasan leng zang ngam non loubangzah tak I om ta diam chih bang ngaihtuah tham ching hi. (c) BAPTIST PA JOHANAPAT SINLAI : Baptist pa Johan bangbang a mi hangsan i Nam in i poimoh petmah hi. AmanHerod zi neih dan toh kisai in Herod mohsakna thu a gen man in a tawp in asihloh hi. Johan bang bang a mi hangsan, thudik gup ziak a sihloh ngam i Nam ahbang zah i om dia ? Thudik leng puangzak ngam non lou, thuakloh khak lauh ziaka dai dide a om ngen i hita mai kei ding maw… (d) MOSI APAT SINLAI: i)MOSI IN KHATNA A PATHIAN KOIH : Pathianin Israelte pikhe dia a sap lai in Pathian in za-a-za om pih ding ahi chih a chet makuan nuam lou a, hiai apat in Mosi in Pathian a masapen ah a khoih chih chiangtak in theih theih hi. ii)NIH NA AH A MI NAM KOIH : Mosithupina mahmah ahihleh, Pathian in Israel te suk man sip sip a sawmlai in Mosi in Pathian kiang ah hiai te na sukman sang in na laibu ah ka minthaimang zo mai in chi in ana ngen hial hi. Hiai in Amah sang in a mi Nam ait zo chih muh theih hi. (Exo.32:32) iii)THUMNA AH AMAH KI KOIH : Mosi in thumnaah amah kikoih pan phet hi. Amah mimal sang in Pathian leh a mi Nam koih sangzo ahih chih muh theih hi. Achihleh, eiten Pathian amasa pen in i koih na hia? A tangpi et in, amasapen a ei kikoih, a nih nang a i Namkoih, a thum nang a Nambawltu Pathian koih bang in muh theih hi. Pathian i koih niam luat ziak inPathian in i Nambang leng hon domsang ut taktak lou a hi mai diam chih bang ngaihtuah thamching hi. Tuni tan a Pathian a ding a Martyr a sita i sut kik chiang inkhutzung langkhat in leng daih lo lai hi. Himahleh, i Nam a dia si i sut chiang in aphazah geih bang leng sutkhiak haksa ding khop in tam ta hi. Hiai in Pathiansang a i Nam koih sang kha zo i hi kha diam chih bang honngaihtuah sak mahmah hi. I mi Nambel i it ding mah ahi, himahleh, Pathian sang a i Nam it zaw bang i na hih leh Pathian a ding a tawisan taak hilou dingmah i hi.